Jobo 28:18 - Baibo Busansulushi Bwa Libuku Ili

¹⁸ Busongo buleendaawo pamweelo wa mabwe eetwa ayi kolali nabi a jasipa. Ncakwiila mweelo wa mbubo ulasotoka pawa mabwe alubi.

Jobo 28:18 교차 참조

Tushimpi 3:15

Ncakwiila mbubotu kwiinda mabwe amakwebo eetwa ayi lubi alimwi taakuuwo cintu nabi comwi ncoosunishi nceenga ceelana ambubo.

Esekelo 27:16

“ ‘Bene Silya bakalinga kucita makwebo andiwe ceebo ca shintu shiinji nshewakalinga kupanga. Bakalinga kuleta mabwe amakwebo eetwa ayi emalodi, shisani shifubelafubela, shisani shakatunga shakubotesha, nsalu shiteshimite, kolali amabwe amakwebo eetwa ayi lubi mukushintana amakwebo ako.

Malilo 4:7

Banaamwaami babo bakalinga tuu anga ninkobokobo, ncakwiila kutuba kwiinda mukupa. Ayalo mibili yabo yakalinga ibotu kwiinda mabwe amakwebo eetwa ayi lubi. Ndushinisho bakalinga kuboneka anga ngamabwe eetwa ayi Safaya.

Tushimpi 31:10

Nciyumu kucana mwanakashi ucite mibo ibotu. Mwanakashi weelete uleenda mabwe amakwebo eetwa ayi lubi.

Ciyubululo 21:21

Mpeeke milyango yakalinga ya mabwe amakwebo ali likumi aobilo, mulyango womwi awomwi wakalinga wa libwe lyamakwebo lyomwi. Nshila ya mundabala inene iyo yakalinga ya golodi iine iine ibeka anga ndigilasi.

Ciyubululo 18:12

Taaku eshi akoole golodi yabo, silifa, mabwe amakwebo, bulungu, shisani shiteshimite, nsalu shifubelafubela, shisani shimwi shipusenepusene, shintu shakubesa shipusenepusene, shintu shipangwa kumeeca a nsofu, kushisamu shamakwebo, kumukuba, kunshimbi alimwi akumabwe akuyakisha.

Ciyubululo 17:4

Mwanakashi uyu wakalinga kufwete shisani shifubelafubela alimwi ashisalalabo pyu. Wakalibotesha amakosa a golodi, mabwe amakwebo abulungu. Mulyaansa wakalinga kucite nkomeshi ya golodi umo mwakalinga kuswitebo micito ibiibi alimwi ashimwi shilensha nsoni sha bufuule bwakwe.

1 Timoti 2:9

Ndisuni akwaamba ayi abalo banakashi kabafwala kabotu cabulemu akulibombya. Kuteshi cakusandoola bubaambo bwa misusu, kufwala shibekabeka sha golodi, bulungu munshingo, nabi shakufwala shamakwebo.

Mateyo 7:6

“Mutapi bakabwa shintu shisalalite mukwiinga inga bamupilukila bamuluma. Mutapi nkumba shintu shamakwebo ceebo inga shalyatooloobo myeendo.

Tushimpi 8:11

“Nebo nebusongo nsheeleneewo amabwe amakwebo eetwa ayi lubi. Taakuuwo nabi comwi nceenga wasunisha ceenga ceenda ndime.

Tushimpi 3:13

Ulicite coolwe muntu uyo ucana busongo ee, muntu uba amaano akunyumfwisha shintu.

Tushimpi 20:15

Golodi nkooli, amabwe amwi amakwebo eetwa ayi lubi ngaanji, sombi milomo yaamba sha lushibo ili anga ngamabwe amakwebo atacanikicaniki.