Jobo 26:12 - Baibo Busansulushi Bwa Libuku Ili

¹² Wakootobeka lweenge munkusu shakwe akunyonyoola shinshimwe wiitwa ayi Laabu ceebo ca busongo bwakwe.

Jobo 26:12 교차 참조

Isaya 51:15

“Nebo ndime Mwaami Lesa wanu. Ndafundoola lweenge akulengesha ayi pali ndulo pabe maaba ayoosha. Nebo ndime Mwaami Lesa Shinkusu shoonse!

Jelemiya 31:35

Mwaami Lesa wakalenga lisuba ayi kalipa mumuni malumwi. Wakalenga mweenshi anyenyeenshi ayi kashipa mumuni mashiku. Lakwe ulafundoola lweenge akulengesha maaba kuyooma. Liina lyakwe nguMwaami Lesa Shinkusu shoonse. Mwaami Lesa uyo waamba ayi,

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Jobo 12:13

Nakubi boobo Lesa taacitebo busongo, sombi ankusu alimwi Lesa taacitebo maano eenka, sombi alushibo.

Jobo 9:13

Lesa na wakalala kale taabooli pesule. Lakwe ulalengesha abacafwi bakwe Laabu shinshimwe ulya kufukama mukumulemeka.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Kulumbaisha 74:13

Ndimwe mwakapansaanya maanshi amulweenge ankusu shanu, akupwayoola mitwi ya cinyama ca mumaanshi.

Kulumbaisha 29:10

Mwaami Lesa ulishiite pacuuna ca bwaami akweendelesha maanshi ayoosha. Ncakwiila unanooli Mwaami lyoonse alyoonse.

Jobo 26:11

Macinko acatilila liculu alatenkaana ceebo ca bukali bwakwe Lesa.