4 naakwiinga ndaya mukwaamba mulandu wangu kunembo lyakwe. Ncakwiila naakwiinga ndalipikishisha cankusu nemwiine.
Ono ndilibambite kwaamba cikani cangu ceebo ndishi kwaamba ayi nshicite mulandu.
Amwiinduluke mushintu shakalinga kucitika kale kale. Lyalo tubandikile pantu pomwi cikani ico. Amwise mulyaambilile, mutondeshe kubula mulandu kwanu.
NobaLesa amutondeshe ayi nebo nshicite mulandu. Amumfuninineeko mucikani ici kumushobo uyu wa bakunsengwe. Amumfuune kuswa kubantu babeshi alimwi bamucita shibi.
Ono ceebo ca ndimwe noBaami baLesa amulekelele bubi bwangu nabi mbuunji.
“Tulwiiteeko mbotweelete kwaamba kuli Lesa ceebo swebo maano amana tatucitewo ashakwaamba shimwi.
Amwiibaluke kwaamba ayi mwakandasha ayi mulaakunyenshela shintu shoonse kabotu akumpa bamulunyungu abo muntu mbaatakoonshi kubelenga, nkokwaamba ayi baanji anga ngumuseese wa muloombe lwa lweenge.”
Sombi ndisunishi kwaambila kuli Shinkusu shoonse, ncakwiila kukumbushanya aLesa pacikani cangu ici.
Nendalinga kwishi nkweenga ndamucana akwishiba bwakuya kooko nkwaabete,
Ndisuni kwishiba lakwe mwiine nceenga wankumbula akunyumfwa ico mwiine nceenga wandwiita.
“Sa webo inga wapikishanya aShinkusu shoonse? Kumbula tunyumfwe nowalinga kupikisha.”
