13 “Anu ngani weenga wakonsha kupilulula Lesa? Lakwe ulacita kulilabo nshaasuni mwiine.
Ndushinisho Lesa wesu uli kwiculu. Ncakwiila ulacita cili coonse ncaasuni.
Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.
Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’
Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.
Ncakwiila na wanyonyoola cimwi cintu, taaku weenga waciyakulula. Na waanga muntu, taaku nabi womwi ukonsha kumwaangulula.
Ndishi kwaamba ayi isho shoonse Lesa nshaakacita, shinanoolikobo kwalyoonse alyoonse. Taaku ceenga ceelikwaawo nabi kukushikwaawo pashintu isho. Ncakwiila Lesa wakacita shintu shoonse kwaamba ayi tunoomulemeka.
Ulacita cili coonse ncaasuni kwiculu nabi pacishi ca panshi. Ndushinisho ulashicita mulweenge apanshi peene pandulo.
Cintu cikonkomene tacikoonshi koololwa. Shintu shitapo tashikoonshi kubelengwa.
Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.
Ono umwi pali ndimwe inga weepusha ayi, “Ino ono na Lesa mbwaacita ubo, ulapetanshi bantu milandu? Ino ngani weenga wakasha Lesa kucita nshaasuni?”
Na woongulusha, anu ngani ukonsha kumutongooka? Na wabafutatila ngani weenga wapekwa coolwe?
“Ono na Lesa wakucata akukoombolosha, anu ngani weenga wakonsha kumukasha?
Mulishi kwaamba ayi nshicite mulandu alimwi taaku ukonsha kumfuna kuswa mumaansaanu.
kakuli shoonse ishi mwakalinga mwashishisa mumoyo wanu. Ono sunu ndindeshiba ayi wakalinga ngomuyeeyo wanu.
Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.
Ulaakuncita bweenka mbuli mbwaabambite pali ndime, Ulicite miyeeyo aimwi iinji njaabambite kucita pali ndime.
Ncakwiila ntokwiita musankwa kuswa kwicwe. Ulaakwisa mukulwana cakutamwiingashila anga ngucikupwi kwaamba ayi acite kweelana amuyeeyo ngondakapanga.
