Jobo 23:12 - Baibo Busansulushi Bwa Libuku Ili

¹² Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Jobo 23:12 교차 참조

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Kulumbaisha 119:103

Maswi anu alicite mise abuumbi mumulomo wangu, ncakwiila alicite mise kwiinda buuci.

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

Jobo 22:22

Usuminebo shitooswa kumulomo wakwe akubika maswi akwe mucaamba cako.

Joni 8:31

Jesu wakaambila baJuda bakamushoma ayi, “Na mukonkele kwiisha kwangu, ncakwiila mutooba bashikwiiya bangu.

Joni 4:32

Lakwe wakabaambila ayi, “Nebo ndicite cakulya ncemuteshi.”

Kulumbaisha 119:127

Nebo milawo yanu ndiisuni kwiinda golodi, ee, ndiisuni kwiinda golodi wiine wiine.

Jobo 6:10

Lyalo moyo wangu inga wekala ceebo nshina kukakaawo maswi akwe Lesa Usalalite mukuciswa kwangu koonse nakukomeni.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

Luka 12:46

Mwaami wa musebenshi uyo ulaakwisa pabushiku mbwaatengashite aciindi ncaateshi. Ulaakumupa mulandu akumuwaala kooko nkweshi kukanooli batashomeki.

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Jobo 15:11

Sa kuumusha kwakwe Lesa nkotutoocita kwakuceyela? Sa maswi akwe Lesa abombu ngotutokwaamba ngwaakuceyela?

Jobo 23:13

“Anu ngani weenga wakonsha kupilulula Lesa? Lakwe ulacita kulilabo nshaasuni mwiine.

Kulumbaisha 33:11

Sombi miyeeyo ya Mwaami Lesa nja lyoonse alyoonse, Nshaabambite mumoyo wakwe shilacitwa mumashalane oonse.

Tushimpi 30:8

Amutalamushe kubeca kuswa kuli ndime. Mutanengeshi kuba mukandu nabi kuba mubile, sombi mumpebo cakulya cangu ca nshiku shoonse.

Jobo 33:9

‘Nebo ndisalalite, nshicitewo cibiibi, tau. Ndiluleme, nshikwe kubishawo, sobwe.