Jobo 11:18 - Baibo Busansulushi Bwa Libuku Ili

¹⁸ Ulaakunookala cakutalisukama alimwi cakulangila shibotu. Lesa ulaakunookulama akukupa luumuno mumoyo ayi wookeshe.

Jobo 11:18 교차 참조

Kulumbaisha 4:8

Ndyeengona ndaba muluumuno, mukwiinga mwebo noBaami baLesa, ndimwe mumfukete.

Kulumbaisha 3:5

Aboobo ndoona mutulo akubuka alimwi, mukwiinga Mwaami Lesa ulandama.

Kulumbaisha 43:5

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo aanangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Jobo 7:6

“Nshiku shangu shileenda lubilo kwiinda cakupombeleshako busalu. Shileenda lubilo akweela cakubula kulangila bubotu.

Jobo 6:11

“Ino ninkusunshi nsheencite kwaamba ayi kancilindila? Ino ndaakucanamonshi mubuumi ubu nabi nkakatile?

Jobo 11:17

Ncakwiila buumi bwako bulaakubala anga ndisuba ndyeliba pakati ka mutwi. Mapensho ako alaakumana bweenka bumana munshinshe ndyebuca.

Jobo 11:19

Taaku mulwani weshi akanookukonga, alimwi baanji balaakunoosenga ayi ubacaafwe.

Kulumbaisha 127:2

Mulalipenshabo kubuka macuunsacuunsa alimwi akucelwa kuya mukoona, kwaamba ayi mucane cakulya kwiinda mukuyuwaana. Ceebo Mwaami Lesa ulapa cakulya kubaabo mbwaasuni kabacilete.