Jobo 11:10 - Baibo Busansulushi Bwa Libuku Ili

¹⁰ “Ono na Lesa wakucata akukoombolosha, anu ngani weenga wakonsha kumukasha?

Jobo 11:10 교차 참조

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Jobo 12:14

Ncakwiila na wanyonyoola cimwi cintu, taaku weenga waciyakulula. Na waanga muntu, taaku nabi womwi ukonsha kumwaangulula.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Isaya 41:27

Sombi nebo neMwaami Lesa ndime mutaanshi kulwiita bene Siyoni cikani ico. Ndakatuma shinkombe mukulwiita bene Jelusalemu ayi, ‘Bantu bene mishaanu bali munshila! Ee, batooboola uko kumishaabo!’

Kulumbaisha 31:8

Amubone, tamukwe kungabaawo mumaansa a balwani bangu, sombi mwakampa lwaanguluko kwaamba ayi nje kuli koonse nkoosuni.

Jobo 38:8

“Ino ngani wakacala kumilyango ya lweenge ndilwakapoomoka, ee, ndilwakaswa mucishi anga ngukateta waswa mumala?

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Jobo 5:18

Lesa ulacisa akushilika mwiine eenka, ncakwiila ulalengesha shilonda akushilengesha koosha mwiine eenka.

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

Jobo 11:9

Kulaampa kwa mbubo kuleenda cishi ca panshi, mubufwaafwi buleenda lweenge lutaboneki nkolweela.

Isaya 14:27

Mwaami Lesa Shinkusu shoonse mwiine ngwaashinisha ayi ulaakucita shintu ishi. Ono ngani weenga wakonsha kumukasha? Lyaansa lyakwe walinyamuna kale kwaamba ayi ape mulandu. Ono ngani weenga wakonsha kuliboosha panshi?