3 Sa cilamukonda kundyatilila akunsebaanya nemulimo wa maansaanu, sombi kamukondwa milimo ya bamucita shibi?
Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.
NoBaami baLesa mulaakuncitila shoonse nshemwakanshomesha. Lusuno lwanu noBaami baLesa ndwamuyayaya. Mutalekeleshi milimo ya maansaanu.
Lyalo mwaakunjita, nebo ndaakukumbula. Mulaakusangalala pali ndime necilengwa canu.
Aboobo abo bapenshekwa ceebo cakuyanda kwakwe Lesa, balibeenge mumaansa a Mulengi wabo ushomeka, akutolelela kucita milimo ibotu.
Mwaami Lesa ulakutika kusenga kwa baabo bapengete, alimwi taaluubi baabo bali muntolongo.
Sa webo utookakatila kwaamba ayi nebo nshiluleme? Sa webo utoompa mulandu mukwaamba ayi webo uboneke kululama?
“Sa webo inga wapikishanya aShinkusu shoonse? Kumbula tunyumfwe nowalinga kupikisha.”
Sombi lakwe ngowakasusha maanda abo ashintu shibotu. Ncakwiila nshikoonshi kwishiba buyeeya bamucita shibi.
Balalinyumfwa ayi balaswitilila kwiinda munkusu shabo beene. Sombi nebo nshisumini mukuyeeya kwabo kwa mushobo uyu.
Cishi na capekwa mumaansa abantu babiibi, Lesa ulacala meenso a boomboloshi ayi bataboni. Ono na teshi nguwe wakacicita, ingayi ngani weenga wacita boobo?
Ceebo shoonse shilyeelenebo. Nceceeco nceŋambila ayi ulanyonyoola batacite mulandu abacite boonse.
“Ndushinisho Lesa teshi akakake muntu ushomeka alimwi teshi akacafwewo muntu ucita shibiibi.
“Maansaanu ngaakanenga, ono sunu mwansandukila akunyonyoola.
Lesa wangaba mumaansa a bamucita shibi. Ncakwiila wangaba munkusu sha bantu bataluleme.
Sa mwebo tamubwene kwaamba ayi nguLesa wacita shintu ishi? NguLesa wanteya koose kwaamba ayi ncatwe.
“Ono bweenka mbocibete lushinisho ayi Lesa ngumuumi, ee, Lesa uyo wakaka kuŋombolosha cabululami, Shinkusu shoonse uyo wampa mpensha bulasha,
Mulanangilishabo cabukali akumpensha alyaansa lyanu lya nkusu.
Sa uyu wakamumba mulifumo lya bama teshi ngowakababumba abalo? Sa teshi mulengi womwi wakatupanga mumafumo abamanyinawesu?
Mushimu wakwe Lesa ngowakanenga, ee, muuya wa Shinkusu shoonse ngoompa buumi.
Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.
Sa nkwaamba ayi ukalalile Lesa kwiinda mukwaamba maswi a mushobo uyo ngootokwaamba?
