2 NobaLesa mutampi mulandu, sobwe. Sombi amundwiite ncendamubishisha.
Mutaŋomboloshi nemusebenshi wanu ceebo taaku muntu muumi ululeme pameenso anu.
Ono mboompetwe kale mulandu, noopengelanshi kutondesha ayi nshicite kampenda?
Ono abo bashoma muli Jesu Klistu, Lesa taabapi mulandu.
Sombi noBaami baLesa Beshinkusu shoonse, amuncaafwe kweelana akushomesha kwanu. Amumfuune ceebo ca bubotu bwa lusuno lwanu lutamaani.
Shibiibi shangu sha kubwanike mutakashiibaluki, nshila shangu sha bwaashu mutakashiibaluki. Munjibaluke mulusuno lwanu nobeene, mukwiinga mwebo NoBaami baLesa muli kabotu.
Ngani weenga wakonsha kupikishanya anguwe? Lesa inga weepusha miipusho ili cuulu yeenga yaala kukumbula.
“Sa webo inga wapikishanya aShinkusu shoonse? Kumbula tunyumfwe nowalinga kupikisha.”
Na ndakabisha nciinshi ncendamucitila, mwebo nobeshikunindilila? Ceebonshi ncemwanengeshela kuba cintu cakwiilawo lweela? Sa nkokwaamba ayi ndamupensha abuumbi?
Ino shilubo ashibiibi shangu shili shongaye? Amuntondeshe shilubo ashibiibi nshindakacita.
“Sa nebo ntoopikishanya amuntubo? Ndishi ncentoobulila kukalikila moyo nemwiine.
Ceebonshi utootongookila Lesa mukumutongookila ayi taatookukumbula?
NoBaami baLesa, kamunkutika ndimwiita, kamunyumfwila nkumbu akukumbula kusenga kwangu.
