Jemusi 5:5 - Baibo Busansulushi Bwa Libuku Ili

⁵ Pacishi ca panshi pano mwekala buumi bwakuliiba akulikondelesha. Mwalya mwaina kulibambila bushiku bwakucaikwa.

Jemusi 5:5 교차 참조

1 Timoti 5:6

Sombi mukalubinje mwanakashi walyaaba kushintu shakulisangalasha, wafwa kale nabi ngumuumi.

Luka 16:25

“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.

Luka 16:19

“Kwakalinga musankwa mubile wakalinga kufwala shakufwala shamakwebo uyo wakalinga kulya kabotu lyoonse.

Amosi 6:1

Mapensho kuli ndimwe nomushiite kwakubula cakulisukama muSiyoni, alimwi amwebo nomushiite muluumuno paKalundu ka Samaliya, nobacinenenene ba mushobo unene wa bene Isilaeli, uko bantu nkobacicila mukusenga lucafwo.

Jelemiya 12:3

Sombi noBaami baLesa nebo mulinshi, mulambona alimwi akweelesha miyeeyo yangu pali ndimwe. Basankwa abo babiibi, amubakwelaanye anga nimbelele itooya mukucaikwa! Mubabiike lubasu kushikila bushiku mbweshi bakacaikwe!

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Jelemiya 25:34

Amulile mibila akulila buumpute, mwebo nobeembeshi. Amwaalabangane mulusuko, mwebo nobamatanjilili ba litanga ceebo ciindi canu cakucaikwa cashikila. Mulaakuwa akupwayoolwa anga ninongo ibotu.

Isaya 22:13

Sombi amubone, kulibo kusangalala akusekelela, kucaya ŋombe ambelele! Ncakwiila kulibo kulya nyama akunwa waini! Batokwaamba ayi, “Atulitoolimwi akunwa ceebo ciilo tulaakufwa.”

1 Samwelo 25:36

Mpeeke Abigelo ndyaakashika kuli Nabali wakacana ulicite kusekelela uko kwakalingabo anga nkwa mwaami. Wakalinga kusamitwe alimwi kaakoletwe abuumbi. Aboobo Abigelo taaku ncaakamulwiita kushikila ndibwakaca.

Judi 1:12

Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.

2 Pita 2:13

Balaakupenshekwa ceebo bakalengesha bamwi kupenshekwa. Cibabotela balo nkucita shintu shisangalasha mibili yabo lumwi lubala. Bali anga ngamatombe mukwiinga ndibalya amwebo, balasangalala mububeshi bwabo.

2 Timoti 3:4

Balaakuba bacenjeshi, batasakamani, baswitebo kulisumpula, basuni shakulikondelesha kwiinda kusuna Lesa,

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

Esekelo 39:17

Mwaami Lesa Shinkusu shoonse wakaŋambila ayi, “Webo omuntu, ita mushobo wa bayuni woonse abanyama bamuluundu boonse akubalwiita ayi, ‘Amuyoboloke akubungana pantu pomwi kuswa mumisena yoonse ishingulukite, mwise kumulambu ngoontoomubambila, ee, kumulambu unene patulundu twa Isilaeli. Uko mulaakulya nyama akunwa bulowa.

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Isaya 47:8

“Ono kutika webo omukondwa kumangweengwe. Ee, webo nooyeeya ayi toocite cakulisukama alimwi uli muluumuno. Ulalyaamba ayi webo ulicite bulemu anga nguLesa alimwi taaku aumwi uli mbuli ndiwe. Webo wakalinga kuyeeya ayi teshi ukabeewo mukalubinje nabi kufwitwaawo baana.

Isaya 3:16

Mwaami Lesa waamba ayi, “Amubone banakashi bene Jelusalemu mbobatoolisumpula. Baleenda cakunonomona nshingo akulasha meenso a nkwela. Baleenda cakunangaila uku kabalisha makosa ayo ngobafwala kumyeendo.

Shikushimikila 11:9

Ocikula bwangu, kosangalala koocili mwanike. Moyo wako kaukupa kusangalala koocili cikula bwangu. Kokonkela ciyanda moyo wako alimwi acili coonse meenso ako ncaabona. Sombi koshiba ayi shintu shoonse ishi Lesa ulaakukoombolosha.

Tushimpi 17:1

Ncibotu kulya shikwa wakayuma na kooli muluumuno, kwiinda kusekelela muŋanda iswite kupikishanya.

Tushimpi 7:14

“Ndapa mulambu wabwanabwankashi sunu akucita kweelana ambondakashomesha cakulumbila,

Kulumbaisha 17:14

Amumfuune kubantu babiibi ba mushobo uyu. Amumpulushe alyaansa lyanu noBaami baLesa, mukwiinga balo caabo mbuumibo buno bweenka. Amubapoomwete mapensho ayo ngomwakabasungila. Kubana babo akeendeewo tibili akubamashikulu babo.

1 Samwelo 25:6

Mumwaanshe ayi, ‘Luumuno lube awebo, bamuŋanda yako alimwi asheesho shoonse shaambwa ayi nshaako!’

Kulumbaisha 73:7

Mumyoyo yabo mulaswa shibiibi, kuyeeya kwabo nkwa shintu shitaluleme.

Esekelo 16:49

“ ‘Cibiibi cakacita Sodoma mukwanu mwanakashi nceeci. Lakwe abaana bakwe banakashi wakalinga kulisumpula, kucite shakulya shiinji alimwi bakalinga kunooshiite kwakubula cakulisukama, sombi taakalinga kucafwa bakandu abataaku mbobabete.