Jemusi 5:16 - Baibo Busansulushi Bwa Libuku Ili

¹⁶ Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.

Jemusi 5:16 교차 참조

Tushimpi 15:29

Mwaami Lesa uli kulaamfu abamucita shibi, sombi mipailo ya baluleme uleenyumfwa.

Mateyo 21:22

Na mulashoma, mulaakutambula cili coonse nceshi mukasenge kuli Lesa kwiinda mumipailo.”

Joni 9:31

Tulishi kwaamba ayi Lesa taakutiki bamucita shibi, sombi bantu bamulemeka akucita mbwaasuni.

Kulumbaisha 34:15

Mwaami Lesa ulalama baluleme alimwi ulakumbula mipailo yabo,

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

1 Joni 3:22

Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Milimo ya Batumwi 19:18

Kuswawaawo bashomi baanji bakalinga kwisa akulyaambilila pameenso a bantu shibiibi shoonse nshebakacita.

1 Bene Tesalonika 5:17

Amupaile kuli Lesa lyoonse.

Jobo 42:8

Paceebo ceeci kamuya kuli Jobo musebenshi wangu mutolelele bacende bosanwe abobilo ambelele shisankwa shosanwe ashobilo kwaamba ayi mukalibengele mulambu wakutenta. Jobo utoomupaililako, anebo ntootambula mupailo wakwe kwaamba ayi ntamupi mulandu kweelana abuluya bwanu. Mwebo tamukwe kwaamba makani a lushinisho pali ndime mbuli bwakacita musebenshi wangu Jobo.”

Matalikilo 20:17

Lyalo Abulaamu wakapaila kuli Lesa. Mpomunyaawo alakwe wakashilika Abimeleki. Wakashilika amukaakwe alimwi abasha banakashi ayi bakonshe kushala.

Tushimpi 28:9

Na muntu kaasuula milawo nabi mupailo wakwe ulalensha bunya kuli Lesa.

2 Makani 30:20

Lyalo Mwaami Lesa wakanyumfwa mupailo wakwe Esekiya, lyalo taakwe kubacisa.

Shakubelenga 11:2

Mpomunyaawo bantu bakalilila Mose ayi abacaafwe. Alakwe wakapaila kuMwaami Lesa, lyalo mulilo uyo wakashimika.

Bene Ebulu 12:13

Amutolelele kweenda munshila shiluleme kwaamba ayi mweendo wanu ulema utashonkomoki, sombi ushilikwe.

1 Bene Tesalonika 5:25

Aswebo nobamakwesu, kamutupaililaako.

Mateyo 3:6

Ndibakamana kulyaambilila shibiibi shabo, wakababombeka muMulonga wa Joodani.

Bene Ebulu 13:18

Amutolelele kutupaililaako. Tulishinishite ayi mumiyeeyo yesu taamu cilubo mukwiinga tulisuni kucita shiluleme ciindi coonse.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

Bene Loma 5:19

Ncakwiila bweenka mbuli bantu boonse mbobakaba bamucita shibi ceebo cakutanyumfwila Lesa kwa muntu womwi, mbomunya ubo bantu boonse mbobalulamikwa ceebo cakunyumfwila Lesa kwa muntu womwi, Jesu Klistu.

Bene Loma 3:10

Bweenka bwaamba Malembo akwe Lesa ayi, “Taaku nabi womwi ululeme.

Joshuwa 10:12

Ono pabushiku ubo Mwaami Lesa ndyaakalengesha ayi bene Amoli bakomwe kubene Isilaeli, Joshuwa wakaamba aMwaami Lesa pameenso abene Isilaeli ayi, “Olisuba, imikana pandabala inene ya Gibyoni. Omweenshi, imikana paCinyika ca Aijaloni.”

Bene Ebulu 11:4

Kwiinda mulushomo, Abelo wakapa mulambu weelete kuli Lesa kwiinda wakwe Kaini. Ceebo ca lushomo, Lesa wakabanda Abelo ayi uliluleme mukwiinga Lesa mwiine wakakondwa pamulambu wakwe. Lushomo ndomunya ulu ndolulengesha ayi Abelo anoocaamba kuli ndiswe, nakubi kwaamba ayi ulifwite.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Matalikilo 19:29

Sombi Mwaami Lesa ndyaakanyonyoola mandabala a muliwesa umo mwakalinga kwikala Loti, wakalinga kwiingashite kusenga kwakwe Abulaamu aboobo wakasuminisha Loti kuswaamo akuloboka.

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

1 Baami 13:6

Mwaami Jeloboamu wakaambila mulaluki ayi, “Ndakusenga mpailileeko kuMwaami Lesa wako kwaamba ayi alengeshe lyaansa lyangu kuba kabotu!” Mpeeke mulaluki wakapaila kuMwaami Lesa, lyalo lyaansa lya mwaami lyakaba kabotu.

Matalikilo 32:28

Mpomunyaawo musankwa uyo wakaamba ayi, “Liina ilyo sunu lyamana. Walwishanya aLesa alimwi abantu sombi wakooma. Paceebo ceeco liina lyako ono litooba Isilaeli.”

Matalikilo 20:7

Ono mubooshe mwanakashi uyu kuli ibaye, mukwiinga ngumulaluki alimwi utookupaililaako kwaamba ayi utafwi. Ono na ubule kumuboosha ntookucenjesha kwaamba ayi webo abantu bako boonse mutoofwa.”

1 Samwelo 12:18

Mpeeke Samwelo wakapaila. Aboobo pabushiku ubo bweenka Mwaami Lesa wakatuma cilulumo amfuula. Lyalo bantu boonse bakaloonda nkusu sha Mwaami Lesa alimwi ashakwe Samwelo.

Kulonga 17:11

Paciindi ico Mose ncaakalinga kutambikite maansa mwiculu, bene Isilaeli bakalinga kukoma. Sombi na waaloshesha panshi, bene Amaleki bakalinga kutalika kukoma.

Kulonga 9:33

Kuswawaawo Mose wakaswaako kumwaami Falawo, alimwi akuswa mundabala inene umo. Lyalo wakatambika maansaakwe akupaila kuMwaami Lesa. Mpeeke kukalooka, mabwe alimwi amfuula shoonse shakamana.

1 Bene Tesalonika 5:23

Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Luka 9:6

Mpeeke batumwi bakeenda mumishi yoonse, kuya cishimikila Makani Abotu akushilika balwashi pali poonse.

2 Samwelo 19:19

akwaamba ayi, “Ndaseenga nobaami bangu ayi mutambikilili mulandu pacilubo ncendakacita nebo nemusebenshi wanu kuli ndimwe nobaami bangu bushiku mbomwakaswa muJelusalemu. Mucilubeeko cakutaciyeeyawo tubili nkambo.

1 Samwelo 12:17

Sa te nciindi cakutebula witi bulya? Ntoopaila kuMwaami Lesa ayi atume cilulumo amfuula. Lyalo mutooshiba ayi mwakacita cilubo cinene pameenso a Mwaami Lesa ndimwakasenga ayi amupe mwaami.”

Jelemiya 42:2

Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.

Maako 1:5

Bantu baanji ba mucishi ca Judeya amundabala inene ya Jelusalemu, bakaya kuli Joni mukunyumfwa. Ndibakamana kulyaambilila shibiibi shabo, wakababombeka muMulonga wa Joodani.

Milimo ya Batumwi 8:24

Lyalo Simoni wakaambila Pita aJoni ayi, “Anu amumpailileeko mwebo kuMwaami Lesa kwaamba ayi shoonse nshemwaamba shitancitikili.”

1 Samwelo 1:12

Aana wakatolelela kupaila kuMwaami Lesa kwaciindi cilaamfu, lakwe Eli kaalangilishabo mulomo wakwe.