10 Amuliceeshe pameenso a Mwaami Lesa, lakwe ulaakumusumpula.
Mwaami Lesa ngoosumpula baliceesha, sombi ulalyatoola bamucita shibi.
Uyo woonse ulisumpula, Lesa ulaakumuceesha alimwi uyo woonse uliceesha, Lesa ulaakumusumpula.
Aboobo amuliceeshe pameenso akwe Lesa shinkusu kwaamba ayi akamusumpule paciindi ceelete.
Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”
Lesa ulabombya balisumpula alimwi akupulusha balibombya.
Mwaami Lesa ngoosumpula bakandu kuswa mulusuko, akunyamuna bataaku mbobabete kuswa mumapensho abo.
Wakusha baami beshinkusu shiinji pashuuna sha bwaami, akusumpula baabo baliceesha.
Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”
Aboobo balwani bangu abo banshingulukite ndaakubakoma. Ndaakunoobenga milambu muŊanda yakwe isalalite akwiimba cakusangalala, Ndaakwiimbila Mwaami Lesa inyimbo munshila isangalasha kunyumfwa.
Ndamulumbaisha noBaami baLesa mukwiinga mwakampulusha, alimwi mwakakasha balwani bangu kusamwa ceebo ca ndime.
“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.
Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.
Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.
Ulalengesha bantu bamwi kukanduka, bamwi kubila. Ulaceesha bamwi akusumpula bamwi.
ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.
Ncakwiila balibombya, ulabasumpula. Balila abalo ulaboomusha akubafukata.
Kulisumpula kulalengesha muntu kuwa, sombi kulibombya kulaleta bulemu.
Nebo neMwaami Lesa Shinkusu shoonse ndaamba. Ono fuula cisani cako cakufwala kumutwi, ukusheko amushini. Shintu teshi shikabe mbuli mboshibete sunu. Bantu balibombya mbweshi bakasumpulwe, abalo balisumpula mbweshi bakatolwe panshi.
