5 Womwi awomwi ngushikucenjeeka mubye, taaku awaamba shalushinisho. Bakeeisha milaka yabo kubeca, akumana nkusu shabo shoonse mukubisha.
Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.
Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.
Isho nshemucita shilamulemya, sombi taaku ndyemusuminaawo ayi taaku mboshibete. Mulayeeya ayi balesa banu balamupa nkusu, aboobo tamulefukiiwo.
Cibiibi cako ncakwiila ceeisha mulomo wako shakwaamba. Mulaka wako wababo anga ngwa muntu ucenjete cabusulwe.
Kwiisha uko kulaakwisa kwiinda mubabeshi abo baamba nshebataciti, bacite miyeeyo italuleme, sombi ili anga yakatentwa ceela cilungula.
Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.
Mwaami Lesa waamba ayi, “Nobantu bangu ino ndamucitanshi? Anu ndamupensha munshilanshi? Amunkumbule!
Nakubi boobo mupika uyo teshi ukutuke, ndalabwa shiliimo tashikoonshi kumanininaamo kuswa, tashikoonshi kuswa nabibo kumulilo.
Milaka yabo ilacayabo anga ngumufwi, ncakwiila ilaambabo shakubeca. Womwi awomwi ulabandika kabotu kumubye, sombi mumoyo utooteya koose kuli nguwe.
Balabambabamba milaka yabo anga mbuta kwaamba ayi bakushe bubeshi. Teshi kwaamba lushinisho kubalengesha kukoma mucishi, sobwe. Mwaami Lesa waamba ayi, “Bantu bangu baleelika cibiibi pacibiibi Tabantambuliiwo ayi ndi Lesa wabo, sobwe.
Mapensho kubaabo batola shibiibi shabo antaambo sha bubeshi. Balatola bubi bweenka mbuli bakweela shikoci antaambo.
Ceebo bantu aba tabooni kabatana kucitawo cintu cibiibi. Balo balaba acilabila na tabana kucisawo muntu.
Milaka yabo njibiibi mbuli buyoka bwa nsoka. Milomo yabo ilicite buyoka mbuli bwa fumbe.
Bantu abo balanona milaka yabo anga njimipeeni, balaŋambila maswi ayasa anga njimifwi
Mulasebensesha milomo yanu kububi, ayalo milaka yanu njeyeelula makani abubeshi.
Amubone mucita shibi ulamita bubi, ncakwiila ulamita mapensho akutumbuka shakubeca.
Webo Jobo, sa kwaamba shifwite kulacala milomo bamwi? Sa unanoocitekobo kutucelebula cakutakukumbula?
Lyalo bakalengesha basankwa boonse bakalinga pansengwe kuba boofu kwaamba ayi batakonshi kubona cisasa.
Mulakondwa kubisha kwiinda kucita shibotu, alimwi akubeca kwiinda kwaamba shalushinisho.
Aboobo baambile ayi, ‘Uyu ngomushobo utanyumfwili Mwaami Lesa, Lesa wa nguwo alimwi ukaka kululikwa. Kushomeka kwaloba. Takunyumfwikiiwo nabibo paniini.’
Bakwanu, ee, mboolyaabo mbale yomwi, bakwaaba. Balapaankana abantu bamwi ayi bakulwaane Utanoobashoma nabi kabaamba shibotu pali ndiwe.”
Balaakushanga witi, sombi balaakutebula myuumfwa. Balaakuyuwaana, sombi taaku anceshi bakacaneemo. Ono ceebo ca bukali bwangu buyoosha nebo neMwaami Lesa, shishango shabo shilaakufwa.”
Sa muntu mushiya inga walisandula cikanda cakwe? Sa shiluwe inga wakonsha kulisandula mabala? Cilyeelenebo andimwe, tamukoonshi kucita shintu shibotu ceebo mulishibite kucita shintu shibiibi.
Lubumbu luyumu lwa ndabala ya Babiloni lulaakuwishikwa. Ayalo minjililo ya njiyo ilaamfu ilaakutentwa. Bantu batoolipenshabo kwakubula mpindu. Milimo yabo yoonse ilaakubabo mafuta akunyashisha mulilo. Nebo neMwaami Lesa Shinkusu shoonse ndaamba.”
Mpomunyaawo ukaambe ayi, ‘Bweenka bulya aBabiloni mbweshi akepile cakutafumpulukawo tubili ceebo ca mapensho ayo ngweshi nkamuletele. Ncakwiila bantu bakwe boonse balaakufwa.’ ” Makani akwe Jelemiya mpwaaela peenka apa.
Te swebo soonse tulicitebo Ishiwesu womwi? Sa te Lesa womwi wakatulenga soonse? Ino ceebonshi tulapwaya cipangano ico Lesa ncaakabika pakati ka bameeshiwesu bakulukulu kwiinda mukutacita kweelana ambotulashanya?
Ono bamulishalane ili lyoonse ndibakamana kufwa, kwakesa lishalane limwi ilyo lyatakalinga kwishi Mwaami Lesa anshaakacitila bene Isilaeli.
Miyeeyo ya baluleme ili kabotu, sombi kupanda maano kwa bamucita shibi nkwabubeshi.
Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”
