4 “Jelemiya, cenjela ababyo, utashomi bamakwanu ceebo mukwanu woonse ngumubeshi amubyo woonse ngushikufuya.
Boonse mbayumu myoyo, mbaashu alimwi mbafuyishi. Myoyo yabo njiyumubo anga ngubulonse nabi nshimbi. Ncakwiila boonse mbeshi kuya cifuyabo.
“Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali babo, akubacaisha.
Tamweelete kuya cibekesha muntu nabi womwi, alimwi mutapi bukamboni bweenga bwalengesha buumi bwa shikamukobonyinaanu kunyonyoolwa. Nebo ndime Mwaami Lesa.
Bakwanu, ee, mboolyaabo mbale yomwi, bakwaaba. Balapaankana abantu bamwi ayi bakulwaane Utanoobashoma nabi kabaamba shibotu pali ndiwe.”
Muntu upa bukamboni bwakubeca kumubye uli anga ninkoli, mupeeni nabi mufwi ukolete.
Muntu ushisa lupato lwakwe ngumubeshi. Uyo woonse ubekesha mubye ngumuluya.
Ngumuntu uyo utacite mulaka ubisha meena a babye, ee, ngooyo utacitili beshikamukobonyina shibiibi, nabi kwaamba makani akubeca pali mbabo.
Mpomunyaawo musankwa uyo wakaamba ayi, “Liina ilyo sunu lyamana. Walwishanya aLesa alimwi abantu sombi wakooma. Paceebo ceeco liina lyako ono litooba Isilaeli.”
Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.
Abashali banu boonse, bamakwabanu, beshikamukowa ababyaanu balaakumwaaba kubalwani, bamwi pakati kanu balaakucaikwa.
Mukabacenjelele bantu ceebo balaakumutola munkuta akumukwiipa mushoonde shabo.
Muli ndiwe muli bantu babeca kwaamba ayi bulowa bwa babyaabo butilwe. Muli bantu balya milambu yakabengwa kushibumbwabumbwa. Bamwi balacita bufuule mukumana shiyanda mibili yabo.
kamboni mubeshi alimwi amuntu shikuleta lupato pakati ka baabo banyumfwana.
Kuli shintu shosanwe acomwi Mwaami Lesa nshaapatite nabibo shosanwe ashobilo isho shimufundoosha kumoyo.
Ndaakuumusha muntu woonse ufuya mubye mubushishi. Teshi nkalekeleewo muntu ulisumpula akulinyumfwa.
Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.
Milaka yabo ilacayabo anga ngumufwi, ncakwiila ilaambabo shakubeca. Womwi awomwi ulabandika kabotu kumubye, sombi mumoyo utooteya koose kuli nguwe.
Te swebo soonse tulicitebo Ishiwesu womwi? Sa te Lesa womwi wakatulenga soonse? Ino ceebonshi tulapwaya cipangano ico Lesa ncaakabika pakati ka bameeshiwesu bakulukulu kwiinda mukutacita kweelana ambotulashanya?
Ceebo bantu aba tabooni kabatana kucitawo cintu cibiibi. Balo balaba acilabila na tabana kucisawo muntu.
Balo kucita shibiibi cilibo anga nkulya shinkwa akwalo kucita shintu shalunkutwe kulibo anga nkunwa waini.
Abo batanjilila bantu aba, babapilinganya. Abalo abo batanjililwa basowekwa.
