Jelemiya 9:23 - Baibo Busansulushi Bwa Libuku Ili

²³ Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Jelemiya 9:23 교차 참조

Isaya 5:21

Mapensho kubaabo baliyeeyela ayi mbasongo, ee, baliyeeyela ayi balicenjete.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Bene Loma 1:22

Balo bakalinga kwaamba ayi, “Tuli basongo,” anu mbaluyabo.

Esekelo 7:19

Balaakusowa silifa agolodi wabo mumikwakwa anga ngamatombe. Silifa a golodi wabo teshi ukabapulusheewo pabushiku bwa bukali buyoosha bwa Mwaami Lesa. Teshi bakashisebenseshewo kumana nsala yabo nabi kubakutisha ceebo ngowakabalengesha kubisha.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Dutolonomi 8:17

Ono aboobo tamweelete kuyeeya ayi mwaba abuboni buunji kwiinda munkusu shanu nobeene.

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

Maako 10:24

Bashikwiiya bakwe bakakankamana ndibakanyumfwa maswi aya. Sombi lakwe Jesu wakabaambila alimwi ayi, “Nobamakwesu, ncintu ciyumu abuumbi kwinjila muBweene bwakwe Lesa!

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Esekelo 29:9

Cishi ca Ijipiti cilaakunyonyooka akuba luyanga. Lyalo ndyeshi bakeshibe ayi nebo ndi Mwaami Lesa. “ ‘Mukwiinga wakalinga kwaamba ayi Mulonga wa Nailo ngwaako alimwi ayi ndiwe wakoopanga omwiine,

Isaya 10:8

Ulalisumpula akwaamba ayi, “Bamatanjilili bangu ba bashilumamba boonse mbamaami.

Shikushimikila 2:19

Ino ngani ushi na muntu uyo ulaakunooli musongo nabi muluya? Nakubi boobo ulaakubwesa shintu shoonse nshendakayuwila pacishi ca panshi alimwi shakaswa mubusongo bwangu. Ici acalo taaku mbocibete.

1 Samwelo 17:42

Mwine Filisiti uyo ndyaakalanga akucana kwaamba ayi nguDefedi, mwanike mubotu ciwa alimwi wiimfwi kabotu, wakamunyansha.

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

1 Bene Kolinto 1:31

Aboobo kweelana abwaamba Malembo akwe Lesa ayi, “Uyo usuni kulisumpula ulyeelete kulisumpula ceebo ca ceeco Mwaami ncaakacita.”

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Bene Filipi 3:10

Ndisuni kwishiba Klistu ankusu shakubuka kwakwe kuswa kubafu, kukoshanyaakwe mumapensho akuba mbuli nguwe mulufu lwakwe.

Jobo 32:13

Ino inga mwalyaamba buyani ayi muli basongo? Anu mwebo mbomwaalilwa, Lesa mwiine ngooelete kumupikisha.

Tushimpi 3:5

Cinka manungo muMwaami Lesa amoyo wako woonse. Kutacinka manungo mumaano ako akunyumfwisha shintu.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Isaya 20:5

Lyalo abo bakalinga kucinkite manungo mubene Kushi akunoolisumpwita mubene Ijipiti balaakuloonda akulenshekwa nsoni.

Isaya 47:10

Wacinka manungo mububi bwako akwaamba ayi, ‘Taaku umbwene.’ Busongo buli muli ndiwe alushibo shakutola kumbi. Webo ulalisumpula mukwaamba ayi, ‘Ndimebo alimwi taaku aumwi kulekabo ndime.’

Jelemiya 48:7

“Nobene Moabu, ceebo cakwaamba ayi mulicinkite manungo mumicito yanu amububoni bwanu, amwebo noonse mulaakutolwa busha. Alakwe lesa wanu Kemoshi ulaakutolwa busha pantu pomwi abapailishi bakwe alimwi abacinenenene bakwe.

Jelemiya 49:4

Mwebo nobantu batashomeki, ceebonshi mulalilumbaisha? Mwebo nkusu shanu shamana. Ceebonshi mulicinkite manungo mububoni bwanu akwaamba ayi, ‘Anu ngani weenga watulwana?’

Jobo 41:15

Pamusana wakwe paliilinkene maamba anga ngamayawo ayo apaankene cankusu cakuyumabo anga ndibwe.

Kulumbaisha 33:5

Mwaami Lesa ulisuni shintu shabululami shitacite kampenda. Lakwe ulabonesha lusuno lwakwe lutamaani pacishi coonse ca panshi.

Kulumbaisha 34:3

Amusumpule nkusu sha Mwaami Lesa pantu pomwi anebo, soonse atulumbaishe liina lya Mwaami Lesa!

Kulumbaisha 44:9

Ono bulya mwatufutatila akutulekela mumaansa abalwani besu. Bulya mwakacileka kuya abashilumamba besu mukulwana.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Jelemiya 48:14

“Ino inga mwaamba buyani ayi, ‘Swebo tuli bashilumamba beshinkusu bacibwene kulwana?’

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.