Jelemiya 8:5 - Baibo Busansulushi Bwa Libuku Ili

⁵ Ceebonshi mwebo nobantu bangu mulamfutatila? Ceebonshi mwebo nobene Jelusalemu mulamfutatila lyoonse? Mulakakatila kushintu shabubeshi akukaka kupilukila kuli ndime.

Jelemiya 8:5 교차 참조

Jelemiya 9:6

Mulishiite pakati ka bubeshi. Mububeshi bwabo balakaka akunshiba, nebo neMwaami Lesa ndaamba.”

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Sekaliya 7:11

“Sombi bantu bangu bakakaka kunyumfwa. Ncakwiila bakacala matwi abo

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Joni 5:40

Sombi mwebo mulakaka kwisa kuli ndime ayi mucane buumi butamaani.

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Jelemiya 5:27

Ono bweenka mbuli shikuteya tuyuni mbwaasusha cinsangala atuyuni, mbweeke ubo maandaabo mbwaaswite shintu shakusaala. Ncakwiila bakabila akuba ankusu shiinji.

Isaya 44:20

Sa te ca mushobo uyo cilyeelenebo akulya milota. Ndushinisho maano akwe alisaamite, aboobo taakoonshi kulifuna napaceyuubo. Taakoonshi kwishiba ayi ici cintu nceencite mulyaansa lyangu lyalulyo ncabubeshi.

Isaya 30:10

Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.

Ciyubululo 2:25

Sombi muyumebo mukukonkela sheesho nshemucite kale, kushikila nkese.

1 Bene Tesalonika 5:21

sombi mubone kwaamba ayi na makani ayo alaswa kuli Lesa. Lyalo mwakonkela aayo abotu

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Jelemiya 2:32

Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

Isaya 1:20

Sombi na kamukaka akungalookila, inkondo ilaakumulobya. Nebo neMwaami Lesa ndaamba.”

Tushimpi 4:13

Uyumininebo kwiisha, kutakufutatila, sombi ukakulaame kabotu ceebo mbobuumi bwako.

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 14:7

“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.

Danyelo 9:11

Bene Isilaeli boonse bakapwaya milawo yanu akukaka kunyumfwila sheesho nshemwakaamba. Twakamubishisha, aboobo mwakatuletela mashingo alembetwe muMilawo yakwe Mose musebenshi wanu.

Jelemiya 3:5

Sa munanookalalitebo lyoonse? Sa bukali bwanu teshi bukamaneewo?’ Mbomutookwaamba ubo mwebo, sombi namwaambi boobo, mucitolelela kubisha.”

Jelemiya 6:17

“Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”

Jelemiya 6:19

Nyumfwa ocishi ca panshi, ntooletela bantu aba mapensho. Ici nceshi cikatumbukwe mumiyeeyo yabo ibiibi ceebo bakakaka kunyumfwa maswi angu alimwi amilawo yangu.’

Osiya 11:5

“Bakakaka kusandukila kuli ndime, aboobo balyeelete kuboolela kuIjipiti alimwi bene Asilya balaakunoobalela.

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”