Jelemiya 7:3 - Baibo Busansulushi Bwa Libuku Ili

³ Amuleke nshila shanu amicito yanu ibiibi. Lyalo ndaakumuleka ayi mwikale mumusena uno.

Jelemiya 7:3 교차 참조

Jelemiya 26:13

Ono amusandule nshila shanu amicito yanu akunyumfwila Mwaami Lesa, Lesa wanu. Lyalo Mwaami Lesa ndyeshi abule kumuletela mapensho ayo ngwaakaamba ayi ulaakumuletela.

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

2 Baami 17:13

Mwaami Lesa wakatuma beshinkombe abalaluki mukucenjesha bene Isilaeli abene Juda ayi, “Amusanduke kuswa kushibiibi shanu akunyumfwila milawo amilasho iyo icanwa muMilawo njindakapa bamashali banu bakulukulu kwiinda mubalaluki basebenshi bangu.”

Jelemiya 4:1

Mwaami Lesa utookwaamba ayi, “Nobene Isilaeli, na muli lwakupiluka kuli ndime, amupiluke. Na mukushe shibumbwabumbwa shanu shilensha bunya pameenso angu akutapambuka tubili munshila yangu,

Jelemiya 18:8

sombi pesule mushobo uyo ngondakacenjesha wasanduka kuswa kushibiibi sha nguwo, teshi nkacite shintu shibiibi nshendakaamba kucita kuli nguwo.

Esila 10:11

Anu amulyaambilile shibiibi kuMwaami Lesa, Lesa wa bamashali banu bakulukulu akucita shimusangalasha. Amulitalamushe kubantu mbomwikalaabo akubamakaanu baswamashi.”

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Jelemiya 17:25

bamaami bamulunyungu lwakwe Defedi balaakwinjila paminjililo ya ndabala ino pantu pomwi abacinenenene babo. Boonse balaakwisa kabatantite shikoci amaaki akushindikilwa kubene Juda abaabo bekala muJelusalemu. Kuswawaawo ndabala iyi ilaakunoocite bantu bekalaamo lyoonsebo.

Jelemiya 35:16

Bamulunyungu lwakwe Jonadabu mwanaakwe Lekabu bakanyumfwila mulawo wakabapa mushali wabo mukulukulu, sombi mwebo tamukwe kunyumfwilaawo, sobwe.