Jelemiya 7:19 - Baibo Busansulushi Bwa Libuku Ili

¹⁹ Sa batookalasha ndime? Sa tabatooliletelabo mapensho beene alimwi akulilensha nsoni?

Jelemiya 7:19 교차 참조

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Jelemiya 9:19

Kwanyumfwika mibila muSiyoni ayi, “Twanyonyoolwa! Tulicite nsoni abuumbi. Tulyeelete kushiya cishi cesu ceebo maanda esu akanyonyoolwa.”

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Isaya 45:16

Boonse beshikubumba shibumbwabumbwa balaakulenshekwa nsoni akusebaanishikwa. Ncakwiila boonse balaakuloka shiwa abuumbi.

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Isaya 1:20

Sombi na kamukaka akungalookila, inkondo ilaakumulobya. Nebo neMwaami Lesa ndaamba.”

Jobo 35:6

Na webo wabisha, ino Lesa cilamucisa buyani? Na shibiibi shako nshiinji, ino ico lakwe cilamucitilanshi?

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Dutolonomi 32:16

Bakakalasha Mwaami Lesa ceebo cakulambila balesa bamwi, wakabakalalila ceebo ca shibumbwabumbwa shabo shimulensha bunya.

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Jelemiya 15:9

Lyalo mushali mwanakashi wa baana bosanwe abobilo ulaakulefuka akufwa. Lakwe lisuba lilaakumupilila kaliciliiko. Ndushinisho ulaakunyumfwa nsoni akusebaana. Kuswawaawo, abo boonse beshi bakacaaleewo ndaakubacaisha kubalwani babo. Nebo neMwaami Lesa ndaamba.”

Jelemiya 22:22

Bamatanjilili banu boonse balaakuululushikwa amuuwo. Abo mbomucafwanaabo munkondo balaakutolwa busha. Lyalo mulaakusebaana akulenshekwa nsoni ceebo ca bubi bwanu boonse mbomwakacita.

Jelemiya 25:7

“Sombi Mwaami Lesa waamba ayi, ‘Mwebo tamukwe kunyumfwilaawo nebo. Mwakasonkomona bukali bwangu kwiinda mukulambila shibumbwabumbwa nshemwakabumba amaansaanu.’

Jelemiya 44:3

ceebo ca shibiibi nshebakacita. Bakasonkomona bukali bwangu mukwiinga bakalinga kutentela balesa bamwi tununkila kabotu akubalambila, ee, balesa abo, balo, webo nabi bamashali bako bakulukulu mbobatakalinga kwishi.

Esekelo 16:26

Wakalinga kucita bufuule abene Ijipiti beshikamukobonyoko beshilunkumbwa. Wakasonkomona bukali bwangu ceebo ca bufuule bwako.

Jelemiya 3:25

Atoone panshi kunsoni akuleka ayi shitucaaye. Twakabishisha Mwaami Lesa, Lesa wesu, swebo pantu pomwi abamashali besu bakulukulu. Kuswa kubwanike bwesu kushika sunu tatunyumfwiliiwo Mwaami Lesa, Lesa wesu, napaceyi.”