8 Webo Jelusalemu, nyumfwa kucenjeshekwa. Kwabula boobo ntookufutatila akulengesha cishi cako kuba matongo cakwaamba ayi taaku muntu weshi akakonshe kwikalaamo.”
Nakubi kwaamba ayi bakakushewo baana ndaakumana kubalobya boonse. Kulaakuba mapensho anene abuumbi ndaakubafutatila bantu aba!”
Ono ndyaakatolelela kunoocita bufuule bwakwe patuba akutondesha matakoshaakwe, ndakamushiya kaancimitwe bweenka mbondakashiya munene wakwe.
Nakubi boobo balo tabakwe kunyumfwila nabi kubikako maano. Bakalinga beshicimpamya alimwi tebakalinga kunyumfwila nabi kusumina kululikwa kuli ndime.
Ndakaambila ndabala iyo ayi, ‘Ncakwiila ulaakunoonda kushikila ukasumine kululamikwa!’ Mukucita boobo ndabala iyo teshi ikanyonyoolwe alimwi teshi nkeepe mulandu weelete, sombi balisuni kubisha muli shoonse isho nshebacita.”
Bakamfutatila nakubi kwaamba ayi ndakalinga kucitekobo kubeeisha, balo tebakalinga kunyumfwa nabi kwiiya, sobwe.
Mwebo tamusuni kufundwa kuswa kuli ndime alimwi mulafutatila maswi angu.
Pesule lya kupambuka, twakaboola munshila alimwi. Nditwakeshiba ayi twaluba twakalyuuma mucaamba. Twakanyumfwa nsoni akulisenda ceebo cakubisha kwesu kwakuswabo kubwanike.’
Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”
Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”
Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.
Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?
Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.
Uyumininebo kwiisha, kutakufutatila, sombi ukakulaame kabotu ceebo mbobuumi bwako.
NoBaami baLesa ulicite coolwe uyo ngomupa milasho, ncakwiila uyo ngomwiisha milawo yanu yoonse.
Ono amukutike kucenjeshekwa uku mwebo nobamaami. Amwiilewo ciiyo apa noonse nobaleli ba mucishi ca panshi.
Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.
Lyalo cishi canu cilaakuba amyaaka yakookesha iyo njemwakalinga kukaka kucipa. Cilaakunookookesha ceebo teshi mukabe bantu paciindi ico mwebo nceshi mukanooli mucishi ca balwani banu.
Aboobo baambile ayi, ‘Uyu ngomushobo utanyumfwili Mwaami Lesa, Lesa wa nguwo alimwi ukaka kululikwa. Kushomeka kwaloba. Takunyumfwikiiwo nabibo paniini.’
Kokutika kwaambilwa alimwi koosumina kululikwa. Na unoocita boobo bumwi bushiku ulaakuba musongo.
Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’
