Jelemiya 6:7 - Baibo Busansulushi Bwa Libuku Ili

⁷ Bweenka mukalo mboopoomona maanshi, mbweeke ubo ndabala iyo mboipoomona bubi bwa njiyo. Shalunkutwe akunyonyooka nsheshinyumfwika lyoonse muli njiyo. Ono malwashi ashilonda sha njiyo ndashibona lyoonsebo.

Jelemiya 6:7 교차 참조

Esekelo 7:23

“Amubambe ncetani ceebo cishi ciliswitebo beshikutila bulowa aalo mandabala oonse anene aliswitebo shalunkutwe.

Esekelo 7:11

Shalunkutwe shaba musako wakupeshaako milandu bamucita shibi abo. Taaku bantu beshi bakacaaleewo. Taaku cintu nabi comwi ca shintu shanu ceshi cikacaaleewo. Nkokwaamba ayi taaku buboni bwabo nabi cintu cili coonse camakwebo ceshi cikacaaleewo.

Jelemiya 20:8

Ciindi coonse na ndaamba, ndoolobesha kwaambilisha makani a kupenshekwa alimwi akunyonyoolwa. Aboobo maswi a Mwaami Lesa anengesha kucobolwa akusekwa lilaya mukwipila.

Isaya 57:20

“Sombi bamucita shibi balo balibo anga ngamaaba ayoosha apa lweenge ayo atacileeki kweenda cakulikampeeka, akuya mukukokolola matipa amatombe amwi kweela.

Esekelo 24:7

Bulowa mboyakatila pakati ka njiyo, yakalinga kunoobutilabo pamwaandami. Teyakalinga kubutila panshibo apo mpweenga bwafwekeleshekwa abulongo, sobwe.

Tushimpi 4:23

Bunene bunene, ulame moyo wako ceebo nkokantupu ka buumi bwako.

Isaya 59:6

Ono tandafube wa shimutangatanga teshi uyumu cakwaamba ayi muntu inga wafwala. Ncakwiila tabakoonshi kulifwekelesha micito yabo ibiibi alimwi ilibo patuba. Bantu aba balacita shintu shibiibi alimwi bucayi mbobuswitebo mumaansaabo.

Jelemiya 30:12

Mwaami Lesa waamba ayi, “Shiloonda shanu tashicite mashilikilo. Ncakwiila shimeenga shanu tashikoonshi koosha.

Jelemiya 30:13

Taakuuwo nabi womwi wakumukombelelako, taaku musamu ukonsha kushilika shilonda shanu alimwi teshi mukoosheewo.

Jelemiya 32:31

Bantu bamundabala inene ino bakasonkomona bukali bwangu akunkalasha kuswabo bushiku mbobakeeyaka. Aboobo ndipingite kwiinyonyoola

Esekelo 45:9

Mwaami Lesa Shinkusu shoonse wakaamba ayi, “Mwebo nobaleli bene Isilaeli, mweendilisha kubisha nobene Isilaeli! Amucileeke shalunkutwe alimwi akulyatilila bamwi. Amucite shintu shakutanyengelela alimwi shiluleme. Mutakatandi tubili bantu bangu kuswa mucishi cabo. Nebo neMwaami Lesa Shinkusu shoonse ndaamba.

Isaya 1:6

Ncakwiila kuswabo kumutwi kushikila akushimpanta, taaku nabi pomwi pali kabotu. Mubili woonse uliswitebo shuumo ashiloonda shiceneme. Tashisanshitweewo, tashipombeletwewo shisani nabi kunanikwabo mafuta ayi shibombele.

Jelemiya 8:22

Sa taamu musamu wakushilikisha muGilyadi? Sa taaku shikushilika kulya? Ino ceebonshi shilonda sha bantu bangu tashitooshilikwa?

Jelemiya 30:15

Amucileeke kutongooka pashilonda shanu, ee, pashicisa shanu shitacite abwakushishilika. Ndakamucita bobulya ceebo ca mulandu wanu unene ashibiibi shanu shiinji.

Esekelo 21:29

Nakubi kwaamba ayi kuli shili anga nshiloto shabubeshi shimukumite ashisondo shabubeshi shapali ndimwe, mupeeni ulaakumana kwiinda bamucita shibi panshingo abo beshi bakacaikwe. Bushiku bwabo bwashikila, ciindi cabo cakupekwa mulandu wakweelaako cilibo muliimfwa.

Sefaniya 3:1

Mapensho kubene Jelusalemu abo balyatilila babyaabo, ee, kuJelusalemu ndabala yaashu itasalalite!