Jelemiya 52:3 - Baibo Busansulushi Bwa Libuku Ili

³ Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Jelemiya 52:3 교차 참조

Isaya 3:1

Amubone! Mwaami Lesa, Mwaami Lesa Shinkusu shoonse utooyanda kukusha lucafwo lwakwe lwa mushobo uli woonse muJelusalemu amucishi ca Juda. Utooyanda kucileka kubapa shakulya amaanshi.

2 Makani 36:13

Kuswawaawo Sedekiya wakabukila mwaami Nebukadinesa uyo wakamukakatisha kushomesha cakulumbila muliina lyakwe Lesa kwaamba ayi ulaakunooshomeka kuli nguwe. Wakaba acimpamya akukaka kusandukila kuMwaami Lesa, Lesa wa bene Isilaeli.

Isaya 19:4

Bene Ijipiti ndaakubaaba mumaansa a mwaami shilunkutwe, ncakwiila mwaami mukali ngweshi akabaleele. Nebo neMwaami Lesa, ee, neMwaami Lesa Shinkusu shoonse ndaamba.”

Shikushimikila 10:16

Mapensho kuli ndiwe ocishi cicite mwaami uli anga ngumwanike, alimwi oocite baleli baba akusekelela malumwi amashiku.

Tushimpi 28:2

Na cishi kacicite baashu cilaba abaleli baanji, sombi muntu ucite maano akunyumfwisha shintu alushibo ulalelabo caluumuno.

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

2 Samwelo 24:1

Ono Mwaami Lesa wakakalalila bene Isilaeli. Mpeeke wakalengesha Defedi kubapensha ndyaakaamba ayi, “Kamuya mukabelenge bantu bene Isilaeli abene Juda.”

Matalikilo 4:14

Mutoontanda mucishi cino apameenso anu. Ndaakuba shikwiingooka utacite musena pacishi ca panshi, alimwi uli woonse eshi akancane, ulaakuncaya.”

Matalikilo 4:16

Mpeeke Kaini wakaswa pameenso akwe Lesa akuya mukwikala kumusena wiitwa ayi Nodi nkokwaamba ayi, “Kwiingooka” uyo uli kwicwe lya Edeni.

2 Baami 24:20

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Jelemiya 7:15

Ndaakumutanda kuswa pameenso angu bweenka mbuli mbondakacita bamakwabanu bene Efuleemu. Nebo neMwaami Lesa ndaamba!”

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

2 Baami 17:18

Aboobo Mwaami Lesa wakakalala abuumbi pabene Isilaeli akubatandaanya kuswa pameenso akwe, kushiyakobo bamumukowa wakwe Juda.

2 Baami 17:20

Mwaami Lesa wakakaka bene Isilaeli boonse. Wakabapa mulandu akubaaba mumaansa a balwani babo beshilunkutwe tibili wabatanda kuswa pameenso akwe.

2 Baami 17:23

kushikila bushiku Mwaami Lesa ndyaakabatanda kuswa pameenso akwe. Bakacita boobo kweelana ambwaakalinga apa kucenjesha kwiinda mubasebenshi bakwe balaluki. Aboobo bene Isilaeli bakatolwa busha kucishi ca Asilya uko nkobabete abobulya.

Esila 4:15

kwaamba ayi makani ayandoolwe mulibuku lya bamashali banu bakulukulu. Mulibuku ili mulaakucana kwaamba ayi ndabala inene iyi nindabala itanyumfwili alimwi yakalinga kupensha bamaami abameendeleshi. Bantu bamundabala inene iyi mbaashu kweendeleshekwa kuswabo kukalekale. Ncecakalenga ayi inyonyoolwe.

Isaya 36:5

Sa utooyeeya ayi maswi inga eelana alushibo lwa nkondo alimwi ankusu? Ngani ngootooyeeya ayi inga wakucafwa kubukila bene Asilya?