Jelemiya 51:53 - Baibo Busansulushi Bwa Libuku Ili

⁵³ Nabi Babiloni akatante kwiculu akuyaka ciyubilo ciyumu uko, ndaakutuma beshikunyonyoola kuya mukumulwana. Nebo neMwaami Lesa ndaamba.”

Jelemiya 51:53 교차 참조

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Matalikilo 11:4

Lyalo bakaamba ayi, “Ono atuyake ndabala inene acaanda cilaamfu cishika kwiculu, kwaamba ayi tupange liina, akwaamba ayi tutapalanganini mucishi ca panshi.”

Jelemiya 51:25

Webo Babiloni uli anga nkalundu kanyonyoola cishi ca panshi coonse, sombi nebo neMwaami Lesa ndi mulwani wako. Ndaakutandabika lyaansa lyangu kukulwana. Ndaakukumwayoola cakukushishabo apanshi peene akukushiya kooli kalundu kashukutite.

Amosi 9:4

Nabi balwani babo bakabatole mubusha, ndaakulengesha ayi bakacaikwe kunkondo. Ndishinishite kubanyonyoola kuteshi kubacafwa napaceyi.”

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Jelemiya 51:58

Lubumbu luyumu lwa ndabala ya Babiloni lulaakuwishikwa. Ayalo minjililo ya njiyo ilaamfu ilaakutentwa. Bantu batoolipenshabo kwakubula mpindu. Milimo yabo yoonse ilaakubabo mafuta akunyashisha mulilo. Nebo neMwaami Lesa Shinkusu shoonse ndaamba.”

Jelemiya 51:48

Mpeeke liculu acishi ca panshi alimwi ashoonse isho shiliimo shilaakoolobesha cakusangalala ceebo cakukomwa kwa cishi ca Babiloni, kukomwa kubantu abo beshi bakaswe kumatwa mukucinyonyoola.

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Jelemiya 50:45

Paceebo ceeco amunyumfwe isho nebo neMwaami Lesa nshendakapinga pabene Babiloni, munyumfwe sheesho nsheensuni kucita kubantu abo. Bana babo boonse balaakukwelanishikwa akutolwa. Ndaakunyonyoola cishi cabo.

Jelemiya 50:25

Ndacalula ŋanda ya shakulwanisha shangu. Mubukali bwangu ndashikusha ceebo nebo neMwaami Lesa Shinkusu shoonse ndicite ncito njeensuni kusebensa mucishi ca bene Babiloni.

Jelemiya 50:21

Mwaami Lesa waamba ayi, “Amulwane bene Melataimu abaabo bekala kuPekodi. Amubatandaanye, mubacaaye akubanyonyoola cakumaninina. Mucite shoonse nshendamwaambila kucita.

Isaya 47:7

Webo wakalinga kuyeeya ayi unanoolibo mwaami mwanakashi kwalyoonse alyoonse. Sombi tookwe kulisukamaawo ashintu ishi shitoocitika bulya nabi kuyeeyabo mbweshi shikacitike.

Isaya 47:5

Mwaami Lesa utookwaambila Babiloni ayi, “Kalabo tontolo, uye mumunshinshe. Camana bulya! Teshi ukeetweewo tubili ayi mwaami mwanakashi wa mishobo yoonse.

Isaya 41:25

“Amunyumfwe, nebo ndasongaanya muntu umwi wa kwicwe. Pakwisa mukumulwana ulaakuswita kumatwa. Lakwe ulalyatoola baleli anga ngamatipa. Ulabalyatoolabo anga ngumubumbi utookanda bulongo.

Isaya 13:17

“Amubone ndaakubasonkomweta bene Mediya kwaamba ayi balwane bene Babiloni. Bene Mediya balo tabacite ncito asilifa, awalo golodi toobakushiwo moyo.

Jobo 20:6

Nabi kulisumpula kwakwe kushike kwiculu, cakwaamba ayi amutwi wakwe washika mumakumbi,

Jelemiya 51:56

Shikunyonyoola ulaakulwana Babiloni. Bashilumamba bene Babiloni balaakucatwa amata abo alaakutyoloolwa. Ceebo nebo neMwaami Lesa ndi Lesa uboosha cishole. Ncakwiila ndaakuboosha cishole kweelana ambobakacita.

Amosi 9:2

Nabi bakakaabe panshi kushika kumusena wa bafu, lyaansa lyangu lilaakubakushaako uko. Nabi bakataante kushika kwiculu, nebo ndaakubaselushaako.

Abakuku 2:9

Mapensho kuli ndimwe nomubilisha bamumaandaanu munshila italuleme. Ee, mwebo nomweelesha kulengesha maandaanu kubula cakulisukama amapensho.