3 Mutalekeli bashilumamba kusakila mata abo, nabi kubapa ciindi cakufwala shilwanisho shabo. Kutalekelela bacikula bwangu babo mukutabacaya, sombi bashilumamba babo mubanyonyoole cakumaninina.
“Amwiimikane mumisena yanu ya nkondo mushinguluke Babiloni noonse nobeshimata. Amuwaale mifwi yanu yoonse! Kutabi mifwi njeshi mushiyewo, ceebo bakabishisha nebo neMwaami Lesa.
Amwaange maaki anu, mutantewo! Amwiimikane mumisena yanu! Amufwale shimpoompo shanu sha nkondo! Amunone masumo anu akufwala shakulwanisha shoonse!
Mwaami Lesa waamba ayi, “Amulwane bene Melataimu abaabo bekala kuPekodi. Amubatandaanye, mubacaaye akubanyonyoola cakumaninina. Mucite shoonse nshendamwaambila kucita.
Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.
Amucaye bashilumamba babo boonse! Ee, boonse amubacaaye cakumaninina! Mapensho kuli mbabo mukwiinga bushiku bwabo bwashikila. Ncakwiila ciindi cabo cakupekwa mulandu cashikila.
Lufu lwatunjilila pambwelyo akwinjila mumaandeesu acite malinga. Lwamana kucaya banike mumikwakwa abacikula bwangu mumisena icanikamo bantu baanji.”
Ulicite coolwe uyo ubwesa bakateta bako, ncakwiila uyo ubabwesa akubapwayoola kumyaandami.
Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.
Nabi Babiloni akatante kwiculu akuyaka ciyubilo ciyumu uko, ndaakutuma beshikunyonyoola kuya mukumulwana. Nebo neMwaami Lesa ndaamba.”
