6 “Bantu bangu balibo anga nimbelele shisowekete. Beembeshi babo bakabasowa akubalengesha kwiingooka mutulundu. Bakalinga kuswa mutulundu akunooya mutulundu cakwaamba ayi bakaluba kumishaabo.
Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.
Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.
Sombi mulyeelete kuya kubene Isilaeli bali anga nimbelele shisowekete.
Ndaakusheembelela mumafulo mutaamu cakulisukama mutulundu, mushinyika alimwi amumafulo acite mweemfu a mucishi ca Isilaeli.
Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.
Ndeengaila anga nimbelele isowekete. Amunyandoole nemusebenshi wanu, ceebo nshilubiiko milawo yanu.
Sombi ndaakuboosha bene Isilaeli kucishi cabo. Lyalo balaakunoolya sha paKalundu ka Kamelo asha mucishi ca Bashani. Balaakunoolya kweelana ambobasuni shakulya isho sheshi shikanooswa patulundu twa Efuleemu alimwi aGilyadi.
Muciindi ca bulelo bwakwe Josiya, Mwaami Lesa wakandwiita ayi, “Sa wamubona Isilaeli mwanakashi mufuule utashomeki nshaatoocita. Ulatanta peculu lya tulundu toonse amunshaashisamu shoonse shicite shimfule shibotu akunoocita bufuule.
Omoyo wangu kala panshi akootobala, ceebo Mwaami Lesa ulancitila shibotu.
Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,
Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.
Mpomunyaawo Jesu wakakumbula ayi, “Ndakatumwabo kumbelele shisowekete sha mushobo wa bene Isilaeli.”
Nebo ndaamba ayi, “Beembeshi tabacite maano. Tabasengi kuMwaami Lesa ayi abatanjilile. Aboobo tabaswitilili ashalo mbelele shabo shakapalangana.
Ncakwiila kulambila kwa bakunsengwe patulundu takucite lucafwo. Ndushinisho kupulushikwa kwa bene Isilaeli kulaswabo kuMwaami Lesa, Lesa wesu.
Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.
Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.
Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.
Mwaami Lesa Shinkusu shoonse, Lesa Usalalite wa bene Isilaeli waamba ayi, “Na mwasanduka akuboola kuli ndime, inga mwapuluka. Na mwanshooma akulangila kuli ndime, inga mwaba ankusu. Sombi mwebo mwakakaka kucita boobo.
NoBaami baLesa, muli ndimwe motuyubila. Ncakwiila motuyubila mumashalane esu oonse.
Muli ndimwe ndushinisho moonjuba. Mulamfuna kumapensho angu oonse. Aboobo ndeemba palupulusho lwanu ceebo mulamfuna.
Ulandekela mumafulo acite mweemfu, akuntola kumaanshi abotu atafundeene.
Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.
Mwaami Lesa waamba ayi, “Mapensho kubeembeshi abo batoonyonyoola akupalanganya mbelele sha mumafulo angu!”
Mwaami Lesa Shinkusu shoonse waamba ayi, “Mucishi cino ico cili anga nduyanga umo mutekaali bantu nabi banyama, cilaakuba amafulo abotu umo beembeshi mweshi bakanokweembelela alimwi.
“Balaluki aba balasowa bantu bangu ndibabaambila ayi, ‘Kuli luumuno,’ kakuli taaku luumuno. Bantu bangu bayaka lubumbu lutashimpite abalo balaluki balushingula abulongo butuba.
Nebo nemwiine ndaakuba mweembeshi wa mbelele shangu alimwi ndaakushicanina mulela wakookesheshaawo. Nebo neMwaami Lesa Shinkusu shoonse ndaamba.
“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.
Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”
