Jelemiya 5:2 - Baibo Busansulushi Bwa Libuku Ili

² “Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”

Jelemiya 5:2 교차 참조

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

2 Timoti 3:5

bantu bacite mbonekelo ya bushomi, sombi nkusu sha mbubo balashikaka. Bantu ba mushobo wooyo ubasoonoke.

Osiya 10:4

Balashomesha kucita shintu shiinji, kushomesha cakulumbila cakubeca akupanga shipangano shiinji shitaaku mboshibete. Mwasandula bululami kuba kutalulama alimwi kutookula anga ninsaku mumuunda wakashabwa.

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Isaya 48:1

Amukutike makani aya mwebo nobamulunyungu lwakwe Jakobo. Amukutike mwebo nomwaambwa ayi bene Isilaeli, mwebo nobamulunyungu lwakwe Juda, ee, mwebo nomusebensesha liina lya Mwaami Lesa pakushomesha cakulumbila. Amukutike mwebo nomupaila muliina lyakwe Lesa wa bene Isilaeli, sombi kuteshi mulushinisho nabi mukululama.

Bene Lefi 19:12

Mutanoolumbila muliina lyangu na ulishi ayi teshi ukacite cintu ico, ceebo na wacita boobo, nkucobola liina lyangu. Nebo ndime Mwaami Lesa wanu.

1 Timoti 1:10

beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Jelemiya 44:26

Ono amukutike liswi lya Mwaami Lesa, mwebo nobaJuda noonse nomuli muIjipiti. Waamba ayi, ‘Ndashomesha cakulumbila muliina lyangu linene ayi taaku nabi womwi wakaswa kuJuda ushiite kuli koonse muIjipiti weshi akasebenseshe tubili liina lyangu mukushomesha cakulumbila ayi, Bweenka mbocibete lushinisho ayi Mwaami Lesa Shinkusu shoonse ngumuumi.

Sefaniya 1:5

Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Jelemiya 9:2

Nindakalinga kucite ŋanda yakoonaamo beshikweenda muluyanga, naakwiinga ndakashiya bantu bene misheesu. Naakwiinga ndabashiya ceebo boonse mbafuule alimwi ndikoto lya bantu batashomeki.