Jelemiya 48:11 - Baibo Busansulushi Bwa Libuku Ili

¹¹ Mwaami Lesa waamba ayi, “Bene Moabu balishiite cakuliiba kuswabo kukale kale. Tabana kutolwaawo kale mubusha. Balibo anga nguwaini wabikwa ayi ukalile, kutalonshekwa kuswa munongo imwi akutilwa munongo imwi. Mise ya nguwo ilibo mushobo womwi, ee, kununkila kwa nguwo takukwe kusandulwaawo.

Jelemiya 48:11 교차 참조

Sefaniya 1:12

“Paciindi ico ndaakuyandoola muJelusalemu alilampi akupa mulandu kubaabo balibona kubota abo bali anga nguwaini wakalila panshi. Balo balayeeya ayi, ‘Mwaami Lesa taaku nceenga wacita, kucita cibotu nabi cibiibi.’

Sekaliya 1:15

Sombi ndikalalite abuumbi pamishobo iyo ishiite cakuliiba. Mukwiinga ndindakalinga kukalalite paniini pabantu bangu, bantu balo abo bakeelikaawo mapensho pali mbabo.

Naamu 2:2

Mwaami Lesa uli pafwaafwi kubooshesha bene Isilaeli bulemu bweenka mbobwakalinga kalekale ciindi balwani babo kabatana kubasaala akunyonyoola minyansa yabo.

Jelemiya 48:29

“Ndakanyumfwa bene Moabu mbobalisumpula. Ncakwiila balalisumpula akulyuuma mushaamba. Ee, balalisumpula alimwi mbeshi kulinaamuna. Balilisuni abuumbi mumyoyo yabo.

Isaya 24:3

Ncakwiila cishi coonse ulaakucinyonyoola cakumaninina akucisandula luyanga. Mwaami Lesa waamba.

Isaya 16:6

Bene Juda balaamba ayi, “Twakanyumfwa bene Moabu mbobalisumpula. Ncakwiila balalisumpula, kulyuuma mushaamba alimwi mbeshi kanyansho. Ono kulinaamuna kwabo takucite mpindu.”

Kulumbaisha 123:4

Twaana kucelebulwa kubantu babile, akushibulukwa kubantu balisumpula.

Kulumbaisha 55:19

Ncakwiila Lesa uyo ucite cuuna ca bwaami kuswabo kukalekale, ulaakunyumfwa kusenga kwangu akubakoma. Ee, ceebo balakaka kushiya nshila shabo alimwi Lesa tabamulemeki.

Jelemiya 51:34

Bene Jelusalemu baamba ayi, “Nebukadinesa mwaami wa bene Babiloni wakatumana. Watulengesha kufulungana akutusandula kuba nongo itacite cintu. Watuminabo anga ninsato akususha lifumo lyakwe ashoonse nshaakalinga kusuni. Lyalo wakashipulula mbwaatakalinga kusuni.”

Isaya 25:6

Pakalundu aka, Mwaami Lesa ulaakubambila bantu ba mumishobo yoonse kusekelela. Mukusekelela umo mulaakuba shakulya shiindaawo kubota alimwi awaini ubotu wiindaawo.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Jelemiya 22:21

Ndakamucenjesha ndyemwatakalinga kucite cakulisukama, sombi mwebo mwakaamba ayi, “Swebo twakaaka.” Ubo mbobuumi bwanu kuswabo kale kale, ncakwiila tamunyumfwiliiwo napaceyi.

Jelemiya 48:12

Sombi ciindi cilaakushika, ndyeshi nkatume bantu kwisa mukupuumuna bene Moabu mbuli waini munongo. Balaakutila waini munongo isho akushipwayoola mutupanshapansha.