10 “Aashinganishikwe uyo utasuni kusebensa ankusu ncito yangu neMwaami Lesa! Aashinganishikwe uyo utasuni kucaya amupeeni wakwe.”
Mpeeke mulaluki wakaambila mwaami ayi, “Mwaami Lesa waamba ayi, ‘Mukwiinga wakaleka muntu ngondakakwaambila ayi ukamucaaye kuloboka, webo bulya utoolipila buumi bwako. Abalo bashilumamba bako batoonyonyoolwa ceebo cakuleka bashilumamba bakwe kuloboka.’ ”
Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”
Munjelo wa Mwaami Lesa wakaamba ayi, ‘Amushingane Melosi abantu bekalaamo. Tabakwe kwisa mukucafwa Mwaami Lesa kulwana balwani bakwe beshinkusu.’
Ico cakakalasha Elisha, lyalo wakaambila mwaami ayi, “Walinga kweelete kuyasa panshi mankanda osanwe nabi osanwe alyomwi, lyalo naakwiinga wakakoma bene Silya akubanyonyoola cakumaninina. Sombi bulya ulaakubakomabo mankanda otatwe.”
Ono Saulo abashilumamba bakwe tabakwe kucaya Agagi, nabi mbelele aŋombe shibotu, boombe abana ba mbelele beenite. Nkokwaamba ayi shintu shoonse shakalinga shibotu tabakwe kushinyonyoola. Sombi shoonse shatakalinga kuboneka kabotu, bakashinyonyoola.
Ndacalula ŋanda ya shakulwanisha shangu. Mubukali bwangu ndashikusha ceebo nebo neMwaami Lesa Shinkusu shoonse ndicite ncito njeensuni kusebensa mucishi ca bene Babiloni.
Mutootama ayi, ‘Maawe omupeeni wa Mwaami Lesa, citooba ciindi cilaamfu buyani koocayabo kwakutookesha? Boolela mucipokolo cako, wikale mumo kwaamba ayi wookeshe.’
Mwaami ndyaakalinga kwiinda, mulaluki wakoolobesha ayi, “Nomulemekwa, nebo ndakalinga munkondo ilyo shilumamba umwi ndyaakaleta shilumamba wakacatwa busha akumpa. Wakandwiita ayi, ‘Muntu uyu umulaame. Na aloboke, webo ulaakucaikwa nabi kulipila maali asilifa ali shuulu shotatwe.’
Ono ndindakeelilwa kucita shintu shimwi, muntu uyo wakaloboka.” Mwaami wakakumbula ayi, “Waamba mboceelete kuba. Webo ulyeelete kulipila nkongole iyo.”
Ubaambile ayi nebo neMwaami Lesa, Lesa wa bene Isilaeli waamba ayi, ‘Ulishingenwe uyo utakonkeli maswi a mucipangano cangu.
Ino inga wookesha buyani ceebo nebo neMwaami Lesa ndootuma kuncitila mulimo. Ee, ndootuma kulwana Ashikeloni abantu boonse bekala kuloombe lwa lweenge.”
Amucaye bashilumamba babo boonse! Ee, boonse amubacaaye cakumaninina! Mapensho kuli mbabo mukwiinga bushiku bwabo bwashikila. Ncakwiila ciindi cabo cakupekwa mulandu cashikila.
Sombi mwebo mutekaliiwo! Amutandaanye balwani banu, amubalwaane kutalikila kwisule alimwi akutabaleka ayi bashike kumandabalaabo anene. Mukwiinga Mwaami Lesa, Lesa wanu wabaaba kale mumaansaanu.”
