Jelemiya 47:4 - Baibo Busansulushi Bwa Libuku Ili

⁴ Ee, bushiku bwashikila bwa kunyonyoola bene Filisiti boonse akucaya boonse bakacaalaawo abo beenga bacafwa Taya aSidoni. Nebo neMwaami Lesa ndaakunyonyoola bene Filisiti abo boonse bakaswa kuloombe lwa lweenge lwa kuKileti.

Jelemiya 47:4 교차 참조

Amosi 9:7

Mwaami Lesa utookwaamba ayi, “Kuli ndime, nobene Isilaeli muli anga mbene Kushi. Bweenka mbondakakusha bene Isilaeli kuIjipiti, mbweeke ubo mbondakakusha bene Filisiti kuKileti alimwi abene Silya kuswa kuKili.

Isaya 20:6

Ciindi ico caakushikila bantu abo bekala muloombe lwa lweenge umu balaakwaamba ayi, ‘Amubone cacitika kubaabo mbotwalinga kucinkitemo manungo, ee, abo mbotwalinga kucicilaako ayi batucaafwe akutufuna kuswa kumwaami wa bene Asilya! Ono bulya inga twapuluka buyani?’ ”

Dutolonomi 2:23

Cishi ca muya loombe lwa Mediteleniyani cakalinga cekalwa abene Kileti. Bakanyonyoola bene Afimu, akwikalaamo mbabo mucishi cabo kuya kumalenge kushika akundabala inene ya Gasa.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Esekelo 21:29

Nakubi kwaamba ayi kuli shili anga nshiloto shabubeshi shimukumite ashisondo shabubeshi shapali ndimwe, mupeeni ulaakumana kwiinda bamucita shibi panshingo abo beshi bakacaikwe. Bushiku bwabo bwashikila, ciindi cabo cakupekwa mulandu wakweelaako cilibo muliimfwa.

Esekelo 21:25

“ ‘Awebo omuleli wa bene Isilaeli mucita shibi alimwi utasalalite, bushiku bwako bwashikila, ciindi cako cakupekwa mulandu wakweelaako cilibo muliimfwa.

Esekelo 7:12

Ciindi cashikila, bushiku bwashika. Shikuula atasangalali, alakwe shikuulisha atoongumani ceebo bukali buli pabantu boonse.

Jelemiya 46:10

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.

Kulumbaisha 37:13

Nakubi boobo bantu abo Mwaami Lesa ulabaseka, ceebo ulibwene ayi bushiku bwakunyonyoolwa kwabo buli munshila.

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

Esekelo 30:8

Bushiku ndaakukumika mulilo mucishi ca Ijipiti alimwi boonse beshikucitabilila baakumana kucaikwa, bantu balaakwishiba ayi nebo ndi Mwaami Lesa.

Esekelo 25:16

Paceebo ceeco nebo neMwaami Lesa Shinkusu shoonse ndaamba ayi, ‘Ndaakutambika lyaansa lyangu pabene Filisiti akubanyonyoola. Kuswawaawo ndaakunyonyoola bene Keleti abaabo boonse beshi bakacaale kuloombe lwa lweenge.

Isaya 31:8

“Cishi ca Asilya cilaakunyonyoolwa kunkondo. Nakubi boobo teshi maansa a bantu eshi akacite boobo, sobwe. Bene Asilya balaakwiicica nkondo iyo, bacikula bwangu babo balaakucatwa cibalu.

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Jobo 9:13

Lesa na wakalala kale taabooli pesule. Lakwe ulalengesha abacafwi bakwe Laabu shinshimwe ulya kufukama mukumulemeka.

1 Makani 1:12

Patilusi, Kasulu alimwi aKileti mushali mukulukulu wa bene Filisiti.

Joshuwa 22:30

Fineyasi mupailishi abamatanjilili ba likoto lya bene Isilaeli, nkokwaamba ayi bamatanjilili ba shipani shabo, ndibakanyumfwa cakaamba bamumukowa wakwe Lubeni, Gadi alimwi amusa wa mukowa wakwe Manase, bakasangalala abuumbi.

Matalikilo 10:15

Bana bakwe Kenani basankwa nguSidoni munenebantu, aEti.

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.