9 Sa mwaluba shibiibi shakacita bamashali banu bakulukulu, bamaami abamakaabo, mwebo abamakaanu mucishi ca Juda amumikwakwa ya muJelusalemu?
“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?
Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.
Mwamana kucita shintu ishi shilensha bunya, mulesa mukwiimikana pameenso angu muŊanda yangu ino akwaamba ayi, ‘Swebo tatucite cakulisukama.’
“Kuteelesha kuluba mbomwakalengesha Mwaami Lesa kukalala muluyanga. Kuswabo bushiku mbomwakaswa mucishi ca Ijipiti kushikila abushiku mbomwakashika waano mwakalinga kumwaalookila.
