Jelemiya 44:8 - Baibo Busansulushi Bwa Libuku Ili

⁸ Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 44:8 교차 참조

Jelemiya 42:18

“Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Bweenka bukali bwangu bwiindaawo mbobwakapoomokela pali baabo bakalinga kwikala kuJelusalemu, mbweeke ubo mbweshi bukapoomokele ndimwe mwaakuya kuIjipiti. Lyalo mulaakuba cintu ceelete kushinganwa, kuloondwa, kushibulukwa akusekwa. Cishi cino teshi mukacibonewo tubili.’ ”

Jelemiya 44:3

ceebo ca shibiibi nshebakacita. Bakasonkomona bukali bwangu mukwiinga bakalinga kutentela balesa bamwi tununkila kabotu akubalambila, ee, balesa abo, balo, webo nabi bamashali bako bakulukulu mbobatakalinga kwishi.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

2 Makani 7:20

ingayi ndaakumutanda mucishi ncendakamupa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakwiiseka akwiibona ayi taaku mboibete.

Bene Ebulu 3:16

Mbaani abo bakanyumfwa maswi akwe Lesa bamane bamubukila? Mbaabo boonse Mose mbwaakatanjilila pakuswa muIjipiti.

Jelemiya 44:12

Ndaakunyonyoola bene Juda bakacaalaawo abo bakalinga kushinishite kuya mukwikala kuIjipiti. Boonse balaakulobelaamo. Balaakufwita munkondo nabi kufwa kunsala kutalikilabo kubantu bataaku mbobabete kushikila akubaabo balemekwa. Balaakuba cintu ceelete kushinganwa, kuloondwa, kushibulukwa akusekwa.

Jelemiya 44:7

“Ono nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ceebonshi mutooliletela mapensho a mushobo uyo pamibili yanu? Sa mutooyanda kuleta kunyonyooka pabene Juda basankwa, banakashi, banike abakateta kwaamba ayi kubule aucaala?

Jelemiya 29:18

Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.

Jelemiya 26:6

Ono na mutolelele kutanyumfwila, ndaakucita Ŋanda yangu ino bweenka mbondakacita musena wa Shilo. Lyalo liina lya ndabala ino lilaakunoosebenseshekwa mukushingana pakati ka mishobo yoonse ya mucishi ca panshi.’ ”

Jelemiya 24:9

Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.

Isaya 65:15

Bantu bangu mbondakasala balaakunosebensesha liina lyanu pakushingana. Nebo neMwaami Lesa Shinkusu shoonse ndaakubanyonyoola. Sombi basebenshi bangu balo ndaakubapa liina limwi.

Isaya 3:8

Ncakwiila ndabala ya Jelusalemu yatenkaana, cishi ca Juda citooya ciwa. Bantu ba mumo balaamba akucita shintu isho Mwaami Lesa shakumulwana. Capatuba balacobola Lesa.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Jelemiya 11:12

Lyalo bantu ba mumandabala a muJuda abene Jelusalemu balaakuya mukulilila balesa abo mbobatentela tununkila kabotu. Sombi balesa aba teshi bakabapulushewo mapensho aakubapolela.

Jelemiya 11:17

“Nebo neMwaami Lesa Shinkusu shoonse uyo wakamushanga ndaamba ayi mukapolelwe mapensho. Ndacita boobo ceebo mwebo nobene Isilaeli anobene Juda mwakacita shibiibi akusonkomona bukali bwangu kwiinda mukutentela Baali tununkila kabotu.”

Osiya 4:13

Balabenga milambu pansonga sha tulundu akutenta tununkila kabotu patulundu tuniini munshaashisamu shilaamfu shicite matewu aanji mukwiinga shilicite shimfule shibotu. Paceebo ceeco bana banu banakashi balaya cicita bufuule abalo bamalokashi banu balaya cicita bulale.

Abakuku 1:16

Balalambila atoombe twabo akubenga milambu kuli ntuto mukwiinga kwiinda mutoombe babila alimwi balalya kabotu.

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Jelemiya 32:30

Kuswabo kale kale kushikila asunu bantu bene Isilaeli alimwi abene Juda tabankondeleshiwo, sobwe. Ncakwiila balasonkomona bukali bwangu kwiinda mushintu nshebacita.

Esekelo 9:6

Muye mucaye bacembele, bacikula bwangu basankwa abanakashi, banakashi banene abanike, sombi kuteelesha kukumya wooyo ucite cishibilo. Mutalikile muŊanda yangu isalalite.” Aboobo bakatalikila bamaloba abo bakalinga kunembo lya Ŋanda yakwe Lesa.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’