Jelemiya 44:4 - Baibo Busansulushi Bwa Libuku Ili

⁴ Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Jelemiya 44:4 교차 참조

Jelemiya 26:5

alimwi akunyumfwa maswi a balaluki basebenshi bangu abo mbondakalinga kumutumina ciindi coonse. Mwebo tamukwe kukonkelawo kale nshebakaamba.

Jelemiya 7:25

Kuswa ciindi bamashali banu bakulukulu ndibakaswa muIjipiti kushikila sunu, bushiku abushiku, mankanda aanji ndakalinga kumutumina basebenshi bangu balaluki.

Jelemiya 7:13

Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Sekaliya 7:7

Ici ncaakaamba Mwaami Lesa kwiinda mubalaluki bataanshi paciindi ndabala ya Jelusalemu keecite bubile buunji kamuli abantu baanji. Paciindi ico bantu bakalinga kwikala muteeshibo mumandabala akalinga kwiishingulukite, sombi bamwi bakalinga kwikala kuNegefu akutulundu tuniini kumbo.

Esekelo 16:47

Webo tookwe kukonkelabo nshila shabo alimwi akwiiya micito yabo ilensha bunya, sombi munshila shako shoonse wakabisha kwiinda mbabo.

Esekelo 8:10

Aboobo ndakenjila, ndalangalanga akubona lubumbu loonse kalutalitwe nsoka ashinyama shitasalalite kweelana aMilawo. Mwakalinga kutalitwe ashibumbwabumbwa shoonse bene Isilaeli nshebakalinga kulambila.

Jelemiya 29:19

Ndaakucita boobo ceebo cakwaamba ayi tabakwe kunyumfwa maswi ayo ngondakabatumina tubili tubili kwiinda mubasebenshi bangu balaluki. Nabi ndimwe nomwakaya mubusha tamukwe kunyumfwaawo, sobwe. Nebo neMwaami Lesa ndaamba.’

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

2 Makani 36:15

Mwaami Lesa, Lesa wa bamashali babo, wakatolelela kutuma balaluki kwaamba ayi bacenjeshe bantu bakwe. Wakacita boobo mukwiinga wakanyumfwila nkumbu bantu bakwe aŊanda yakwe.

1 Pita 4:3

Mukwiinga mwakaswaamo kale muciindi cakucita shintu shisuni kucita bakunsengwe. Mwakalinga kwikala buumi bwakutalilemeka, lunkumbwa, bucakolwa, kusekelela kwa bufuule, kusekelela kwakukolwa alimwi akulambila kulensha nsoni kwa shibumbwabumbwa.

Esekelo 16:36

Mwaami Lesa Shinkusu shoonse waamba ayi, ‘Wakasowa buboni bwako alimwi akufuulila basankwa bakalinga kukusuna. Wakalinga kulambila shibumbwabumbwa shako shilensha bunya akushipa bulowa bwa bana bako.

Jelemiya 35:17

Paceebo ceeco nebo neMwaami Lesa Shinkusu shoonse, Lesa wa bene Isilaeli ndaakuletela nobene Juda anobene Jelusalemu mapensho ayo oonse ngondakashomesha kucita. Ndaakucita boobo ceebo tamukwe kunyumfwila ndindakalinga kumwaambila alimwi tamukwe kukumbula ciindi ndindakalinga kumwiita.’ ”

Jelemiya 32:33

Bakamfutatila nakubi kwaamba ayi ndakalinga kucitekobo kubeeisha, balo tebakalinga kunyumfwa nabi kwiiya, sobwe.

Jelemiya 32:34

Bakabika shibumbwabumbwa shilensha bunya muŊanda yangu iyo yakayakwa ayi noolambililwaamo, akwiilengesha kutanoosalalite.

Jelemiya 32:35

Bakayakila Baali shipaililo muCinyika ca Inomu pakunootentela lesa Moleki bana babo basankwa abanakashi. Ico ncintu nceentakwe kubaambila nabi kuciyeeyaawo kwaamba ayi inga bacita cintu cilensha bunya ca mushobo uyo akulengesha bene Juda kubisha.”

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Danyelo 9:6

Tatukwe kunyumfwilawo basebenshi banu balaluki abo bakalinga kwaambila muliina lyanu kubamaami besu, baleli besu, bamashali besu bakulukulu alimwi akubantu boonse ba mucishi cesu.

Neyemiya 9:30

Kwamyaaka iinji mwakalinga kukomenyabo caamba pali mbabo. Mwakalinga kubacenjesha aMushimu wanu kwiinda mubalaluki banu. Sombi balo tebakalinga kumunyumfwila, sobwe. Aboobo mwakabaaba mumaansa a balwani babo.

Neyemiya 9:34

Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.

Jelemiya 7:17

Sa shintu nshebatoocita mumandabala a mucishi ca Juda amumikwakwa ya ndabala inene ya Jelusalemu tooshibwene?

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Esekelo 18:31

Amuleke shilubo shoonse nshemwakacita, mube amoyo upya alimwi atulango tupya. Ceebonshi mutooyanda kufwa mwebo nobene Isilaeli?