3 ceebo ca shibiibi nshebakacita. Bakasonkomona bukali bwangu mukwiinga bakalinga kutentela balesa bamwi tununkila kabotu akubalambila, ee, balesa abo, balo, webo nabi bamashali bako bakulukulu mbobatakalinga kwishi.
Bakaswa munshila ya Mwaami Lesa akutalika kulambila akusebensela balesa bamwi abo mbobatana kulambilawo kale, abo mbwaakabakasha.
Bakabenga milambu kubalesa abo bateshi bancinencine, balesa mbobatakalinga kwishi, balesa bapya, abo bamashali babo mbobatakwe kulemekaawo.
“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,
Twakabisha, twalinga kucita bubi alimwi twakalubisha. Twakafutatila milawo amilasho yanu.
Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.
Mwebo muliluleme mukutupa mulandu wa mushobo uyo. Mwakalinga kushomeka, nabi swebo twakalinga kumubishisha.
Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’
Sombi cakacitika mukwiinga wa shibiibi sha balaluki babo amicito ibiibi ya bapailishi abo bakatila bulowa bwa bantu baluleme.
Ndabala ya Jelusalemu yakabisha abuumbi, aboobo teesalalite. Boonse abo bakalinga kwiilemeka, ono baleecobola ceebo yacaala matakosha. Ee, itootongelabo akulanga kulubasu ceebo ca nsoni.
Kukumbula kulaakuba kwakwaamba ayi, ‘Nceebo cakusuula cipangano ca Mwaami Lesa, Lesa wabo akutalika kulambila balesa bamwi akunoobasebensela.’ ”
“Nebo neMwaami Lesa Shinkusu shoonse uyo wakamushanga ndaamba ayi mukapolelwe mapensho. Ndacita boobo ceebo mwebo nobene Isilaeli anobene Juda mwakacita shibiibi akusonkomona bukali bwangu kwiinda mukutentela Baali tununkila kabotu.”
Sa batookalasha ndime? Sa tabatooliletelabo mapensho beene alimwi akulilensha nsoni?
Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?
Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”
Mbaani abo bakanyumfwa maswi akwe Lesa bamane bamubukila? Mbaabo boonse Mose mbwaakatanjilila pakuswa muIjipiti.
Ncakwiila ndabala ya Jelusalemu yatenkaana, cishi ca Juda citooya ciwa. Bantu ba mumo balaamba akucita shintu isho Mwaami Lesa shakumulwana. Capatuba balacobola Lesa.
Kuswabo kale kale kushikila asunu bantu bene Isilaeli alimwi abene Juda tabankondeleshiwo, sobwe. Ncakwiila balasonkomona bukali bwangu kwiinda mushintu nshebacita.
Ceebo mwakatenta tununkila kabotu kubalesa bamwi akubishisha Mwaami Lesa, kutamunyumfwila nabi kukonkela milawo amilasho yakwe, nceceeco mapensho aya nceesita pali ndimwe kweelana ambomubwene bulya.”
Ono kukumbula kulaakuba kwakwaamba ayi, ‘Ceebo bantu aba bakapwaya cipangano ico Mwaami Lesa, Lesa wa bamashali babo bakulukulu ncaakapanga ambabo paciindi ndyaakalinga kubakusha mucishi ca Ijipiti.
“Bantu aba waakubaambila maswi aya oonse, abalo baakukwiipusha ayi, ‘Ino ceebonshi Mwaami Lesa waamba ayi swebo tupolelwe mapensho a mushobo wooyu? Ino swebo twakabishanshi? Anu ncibiibinshi ncetwakacitila Mwaami Lesa, Lesa wesu?’
Ndaakucita boobo ceebo cakwaamba ayi tabakwe kunyumfwa maswi ayo ngondakabatumina tubili tubili kwiinda mubasebenshi bangu balaluki. Nabi ndimwe nomwakaya mubusha tamukwe kunyumfwaawo, sobwe. Nebo neMwaami Lesa ndaamba.’
