Jelemiya 44:25 - Baibo Busansulushi Bwa Libuku Ili

²⁵ Mwaami Lesa Shinkusu shoonse, Lesa wa bene Isilaeli waamba ayi mwebo abamakaanu mwatondesha kale kumicito yanu nshemwakashomesha ndimwakaamba ayi, ‘Ndushinisho tulaakunoocita kweelana ambotwakashomesha cakulumbila ayi tulaakunootenta tununkila kabotu akupa shipo sha shakunwa kuMwaami mwanakashi Wakwiculu.’ Anu amutolelele! Kamucita nshemwakashomesha! Kamucita kweelana ambomwakashomesha cakulumbila!

Jelemiya 44:25 교차 참조

Mateyo 14:9

Mpomunyaawo mwaami Elodi wakacatwa buumba, sombi ceebo cakulumbila nkwakalumbila pameenso abaabo boonse bakalingaawo, wakaambila bantu ayi mulindu uyu apekwe ncaasenga.

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Isaya 28:15

Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”

Jobo 34:22

Taakuuwo munshinshe nabi musena ushiya mbi uko bamucita shibi nkweenga bayubila Lesa.

Jelemiya 32:29

akwiitenta mumulilo. Balaakwiitenta pantu pomwi amaanda ayo bantu ngobakalinga kusonkomwetawo bukali bwangu kwiinda mukutenta tununkila kabotu kuli Baali peculu lya shiluli alimwi akutilila balesa bamwi shipo sha shakunwa.