Jelemiya 44:23 - Baibo Busansulushi Bwa Libuku Ili

²³ Ceebo mwakatenta tununkila kabotu kubalesa bamwi akubishisha Mwaami Lesa, kutamunyumfwila nabi kukonkela milawo amilasho yakwe, nceceeco mapensho aya nceesita pali ndimwe kweelana ambomubwene bulya.”

Jelemiya 44:23 교차 참조

1 Baami 9:9

Bantu balaakunookumbula ayi, ‘Mukwiinga bakafutatila Mwaami Lesa, Lesa wabo uyo wakakusha bamashali babo bakulukulu kuswa muIjipiti. Bakatalika kulemeka balesa bamwi akubalambila. Nceceeco Mwaami Lesa ncaalengeshela ayi kunyonyooka uku kucitike pali mbabo.’ ”

Kulumbaisha 119:150

Bantu abo batoopinga kuncita shintu shibiibi bali pafwaafwi andime, sombi bali kulaale amilawo yanu.

Neyemiya 13:18

Ici ncemutoocita ncecakacita bamashali banu bakulukulu akulengesha Lesa kuleta mapensho pali ndiswe apandabala yesu inene. Ono mutoosonkomona bukali bwakwe Lesa kwisa pabene Isilaeli mukunoolengesha bushiku bwakookesha bwa Cibelu kutasalala.”

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

1 Bene Kolinto 10:20

Sobwe, sombi ntokwaamba ayi shipo shipekwa pashipaililo sha bakunsengwe shilapekwa kubashikaswa kuteshi kuli Lesa. Ono nebo nshisuni kwaamba ayi mwebo munoocatana abashikaswa.

Malilo 1:8

Ndabala ya Jelusalemu yakabisha abuumbi, aboobo teesalalite. Boonse abo bakalinga kwiilemeka, ono baleecobola ceebo yacaala matakosha. Ee, itootongelabo akulanga kulubasu ceebo ca nsoni.

Jelemiya 44:21

“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?

Jelemiya 44:18

Ono kuswabo mpotwakacilekela kutenta tununkila kabotu kuMwaami mwanakashi Wakwiculu akumupa shipo sha shakunwa, taaku nshetubonaawo shibotu, sombi tutooya cimanabo kunkondo alimwi akunsala.”

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 40:3

Ono Mwaami Lesa wacita kweelana ambwaakaamba. Shintu shoonse ishi shacitika ceebo bene mishaanu bakabishisha Mwaami Lesa akutamunyumfwila.

Kulumbaisha 119:155

Bamucita shibi tabakoonshi kupuluka ceebo tabakonkeli milasho yanu.

Kulumbaisha 78:56

Sombi bantu bakasunka Lesa, bakaashukila Lesa wa kwiculu Wiindaawo, ncakwiila bakakaka kukonkela milawo yakwe.

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Kulumbaisha 78:10

Tabakwe kulama cipangano cakwe Lesa, bakakaka kukonkela milawo yakwe.

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Jelemiya 26:4

Mwaami Lesa wakandwiita kwaambila bantu ayi, “Nebo neMwaami Lesa ndaamba ayi, ‘Mulyeelete kunyumfwila ndime mukukonkela milawo yangu iyo njendakamupa

Jelemiya 44:2

Mwaami Lesa Shinkusu shoonse, Lesa wa bene Isilaeli waamba ayi, “Mwakalibonena mapensho oonse ayo ngondakaletela ndabala ya Jelusalemu apamandabala oonse a muJuda. Asunu acili matongo. Taaku muntu wikalaamo

Jelemiya 44:3

ceebo ca shibiibi nshebakacita. Bakasonkomona bukali bwangu mukwiinga bakalinga kutentela balesa bamwi tununkila kabotu akubalambila, ee, balesa abo, balo, webo nabi bamashali bako bakulukulu mbobatakalinga kwishi.

Jelemiya 44:10

Ono kushikila asunu tamuna kulibombyaawo, sobwe. Ncakwiila tamuna kundemekaawo nabi kukonkela milawo amilasho iyo njendakapa ndimwe alimwi abamashali banu bakulukulu.’

2 Baami 17:15

Bakakaka milasho yakwe yoonse acipangano ico ncaakapanga abamashali babo bakulukulu alimwi akucenjesha uko nkwaakabapa. Bakalinga kulambila shibumbwabumbwa shitacite ncito abalo bakaba bantu batacite ncito. Bakakonkela bwikaalo bwa bantu bakalinga kubashingulukite nabi Mwaami Lesa wakabaambila ayi, “Mutanoocita isho nshebacita.”

Danyelo 9:13

Mwakacita boobo kweelana amaswi alembetwe muMilawo yakwe Mose. Nakubi boobo noBaami baLesa, baLesa besu tatukwe kumukondelesha mukusanduka kuswa kushibiibi shesu nabi mukukonkela lushinisho lwanu.