Biblia Todo Logo
온라인 성경

- 광고 -




Jelemiya 44:17 - Baibo Busansulushi Bwa Libuku Ili

17 Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

장을 참조하십시오 복사




Jelemiya 44:17
32 교차 참조  

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.


Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.


“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.


sombi na mwasunabo kushomesha cakulumbila nobeene, mulyeelete kucita kweelana akushomesha kwanu.


kababaambila ayi, “Anu naakwiinga Mwaami Lesa wakatucailabo mucishi ca Ijipiti. Ceebo kwalo twakalinga kwikala akulya nyama alimwi ashakulya shimwi shoonse nshetwakalinga kusuni. Sombi mwebo mwatuleta momuno muluyanga ayi mutucaishe kunsala soonse.”


Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.


Mwaami Lesa Shinkusu shoonse, Lesa wa bene Isilaeli waamba ayi mwebo abamakaanu mwatondesha kale kumicito yanu nshemwakashomesha ndimwakaamba ayi, ‘Ndushinisho tulaakunoocita kweelana ambotwakashomesha cakulumbila ayi tulaakunootenta tununkila kabotu akupa shipo sha shakunwa kuMwaami mwanakashi Wakwiculu.’ Anu amutolelele! Kamucita nshemwakashomesha! Kamucita kweelana ambomwakashomesha cakulumbila!


“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?


Lyalo maanda a muJelusalemu aayo a bamaami ba bene Juda alaakuba atasalalite bweenka mbuli musena uno wa Tofeti. Nkokwaamba ayi maanda oonse ayo acite shiluli shilya nshebakatentelelawo tununkila kabotu kunyenyeenshi akupa shipo sha shakunwa kubalesa bamwi.’ ”


Bakapwaya milawo yoonse ya Mwaami Lesa, Lesa wabo alimwi bakabumba bacende baana ba golodi ayi mbakulambila. Bakapanga acikoshanyo cakwe Ashela lesa mwanakashi, bakalinga kulambila nyenyeenshi akulambila Baali.


Mpeeke mwanaakwe wakamukumbula ayi, “Na mwakashomesha Mwaami Lesa, amucite kweelana ambomwakashomesha. Ceebo Mwaami Lesa waaba bene Amoni mumaansaanu mukuboosha cishole.”


Sombi na ibaye wamukasha pakunyumfwa kushomesha kwakwe, ingayi teelete kucita kweelana akushomesha uko. Mwaami Lesa alakwe ulaakumwaangulula ceebo ibaye wakamukasha.


Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.


Mpeeke mwaami wakacatwa buumba. Nakubi boobo ceebo cakulumbila nkwaakalumbila pameenso abaabo boonse bakalingaawo, cakamwaalila kukaka.


Sa mwaluba shibiibi shakacita bamashali banu bakulukulu, bamaami abamakaabo, mwebo abamakaanu mucishi ca Juda amumikwakwa ya muJelusalemu?


Paceebo ceeco ndakaambilabo limwi shabuumi bwanu kunembo. Kashitana kucitika nebo ndakashaambilishilabo limwi kuli ndimwe. Ndakacita boobo kwaamba ayi mutakaambi ayi, ‘Shibumbwabumbwa shesu nsheshacita bobulya. Ee, shikoshanyo shesu sha shisamu abalesa besu ba sheela mbobashicita.’


Twakabisha bweenka mbuli bamashali besu bakulukulu. Twakacita shilubo akweenda mububi.


“Shintu shoonse nshetusuni tulashicanabo kwiinda mumulaka. Tulakonsha kwaamba cili coonse kwakubula utukasha.”


Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.


Na muntu washomesha cakulumbila ayi ulaakupa cintu cimwi kuMwaami Lesa nabi kutacita cimwi cintu, teelete kwaambabo pamulomo, sombi acite shoonse nshaakashomesha.


Wakabenga milambu kubalesa ba bene Damasikasi abo bakamukoma mukwiinga wakayeeya ayi, “Balesa ba bamaami bene Silya bacafwa bantu aba, aboobo ntoobenga milambu kuli mbabo kwaamba ayi anebo bancafweeko.” Sombi ici cakaleta mapensho pali nguwe apabene Isilaeli boonse.


Ndaakupa mulandu bantu bangu ceebo ca bubi bwabo bwakunsuula mukunootentela balesa babo tununkila kabotu amukulambila shakapanga maansaabo beene.


Lyalo bantu ba mumandabala a muJuda abene Jelusalemu balaakuya mukulilila balesa abo mbobatentela tununkila kabotu. Sombi balesa aba teshi bakabapulushewo mapensho aakubapolela.


Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.


Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.


Mwebo nobeene mulisuni kuba mbuli mishobo imwi, ee, mbuli bantu ba mushishi shimwi abo balambila shisamu amabwe. Sombi miyeeyo yanu iyo teshi ikacitikewo, sobwe.’


Mpeeke bakalinga kwikala pacuuna cibotu, kunembo kakuli tebulu apo mpobakalinga kubika tununkila kabotu amafuta isho shakapekwa kuli ndime.


Balalambila atoombe twabo akubenga milambu kuli ntuto mukwiinga kwiinda mutoombe babila alimwi balalya kabotu.


Sa shintu nshebatoocita mumandabala a mucishi ca Juda amumikwakwa ya ndabala inene ya Jelusalemu tooshibwene?


우리를 팔로우하세요:

광고


광고