2 Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.
Mpashi inga bapaila kuMwaami Lesa akusanduka kuswa kunshila shabo shibiibi mukwiinga Mwaami Lesa wakaloondesha bantu aba kubukali bwakwe buyoosha abuumbi.”
Lyalo ndaakutuma banyama bakali pakati kanu abo beshi bakacaye bana banu, kunyonyoola shifubwa shanu, akushiyawobo baniini pakati kanu cakwaamba ayi munshila shanu shoonse mulaakunoobula abeshikwiindaamo.
Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.
Lyalo Simoni wakaambila Pita aJoni ayi, “Anu amumpailileeko mwebo kuMwaami Lesa kwaamba ayi shoonse nshemwaamba shitancitikili.”
Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.
Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”
Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.
Mpomunyaawo bantu bakaambila Samwelo ayi, “Amutupailileeko kuMwaami Lesa, Lesa wanu, kwaamba ayi tutafwi. Tweshiiba ono kwaamba ayi peculu pashibiibi shesu shimwi shoonse, tweelikaawo acibiibi cakusenga mwaami.”
akwaambila Samwelo ayi, “Tolelela kutupaililaako kuMwaami Lesa, Lesa wesu kwaamba ayi atufuune kubene Filisiti.”
Ono nomulemekwa, ndamusenga ayi munkutike. Mutampilushi kuŋanda yakwe Jonasani mulembi. Na mucite boobo, ncakwiila ndaakufwita nkuko.”
Mpeeke mwaami Sedekiya wakatuma Jeukali mwanaakwe Shelemiya amupailishi Sefaniya mwanaakwe Maseiya kuli ndime neJelemiya mukwaamba ayi, “Amutupailileeko kuMwaami Lesa, Lesa wesu.”
Mwaami Jeloboamu wakaambila mulaluki ayi, “Ndakusenga mpailileeko kuMwaami Lesa wako kwaamba ayi alengeshe lyaansa lyangu kuba kabotu!” Mpeeke mulaluki wakapaila kuMwaami Lesa, lyalo lyaansa lya mwaami lyakaba kabotu.
Nacibi kwaamba ayi mwakalinga baanji anga ninyenyeenshi, mulaakucaalabo nongaye ceebo tamukwe kunyumfwila Mwaami Lesa, Lesa wanu.
Mwaami Falawo wakaamba ayi, “Ntoomusuminisha kuya mukubenga milambu kuMwaami Lesa, Lesa wanu muluyanga na mubule kuya kulaale. Ono kamumpaililaako.”
Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.
Ndaakupulushawo bamwi baniini kuswa kunkondo, nsala akumwaalu kwaamba ayi ciindi baakunooli pakati ka mishobo imwi bakanokwiibaluka shintu shilensha bunya shoonse isho nshebakalinga kucita. Lyalo ndyeshi bakeshibe ayi nebo ndi Mwaami Lesa.”
ayi mutoocita cilubo ceenga camucaisha. Mwebo mwakantuma kuMwaami Lesa, Lesa wanu akwaamba ayi, ‘Amutupailileeko kuli nguwe akutulwiita shoonse nsheshi aambe aswebo tulaakushicita.’
“Twaambilileko kuMwaami Lesa ceebo Nebukadinesa mwaami wa kuBabiloni utootulwana. Mpashi Mwaami Lesa inga watucitilawo shaankamiko mbuli mbwaakalinga kucita kale kale kwaamba ayi Nebukadinesa atuleeke.”
“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.
Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.
Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.
Amupaile kuMwaami Lesa! Twapeenga abuumbi kukukalooka kwa mfuula ya mabwe iyi. Ntoomulwitilisha ayi ntoomuleka munooya, tamweelete kunoocishiite.”
Anu noBaami baLesa mashingo aacitike na nshikwe kumukombelelaawo ayi mubanyumfwile nkumbu. Ncakwiila aacitike na nshikwe kusengelaako balwani bangu kuli ndimwe muciindi ca mapensho amuciindi ca buumba.
Mpeeke mwaami Sedekiya wakantumina beshinkombe ayi bantole kuli nguwe. Mpeeke bakantola akumbika kumwinjililo watatu uya kuŊanda ya Mwaami Lesa. Kuswawaawo mwaami wakaŋambila ayi, “Ntooyanda kukwiipusha cimwi cikani. Ono utanshisi nabi comwi.”
Lyalo Joanani mwanaakwe Kaleya wakaambila Gedaliya cabushishi kuMisipa ayi, “Amundeeke nje ncaye Ishimaeli mwanaakwe Netaniya. Taaku weshi akeshibeewo. Ceebonshi nceshi tumulekele ayi amucaaye akulengesha baJuda abo bamushingulukite kupalangana akulobeshesha baabo bakacaala?”
Nakubi boobo ndaakubabunganya pantu pomwi akubalengesha kulyatililwa kumwaami ucite nkusu.
Muciloto cangu ndakabona cisoshi kacilya shishango shoonse pacishi ca panshi. Lyalo nebo ndakoolobesha ayi, “NoBaami baLesa Beshinkusu shoonse, amulekelele bantu banu! Ino inga bapuluka buyani? Ncakwiila mbaniini alimwi tabacite nkusu!”
Bweenka mbocakasangalasha Mwaami Lesa ayi amusumpule akumufusha mbweeke ubo mbweshi cikamusangalashe ayi amunyonyoole akumulobya. Mulaakumana katyenke mucishi ico ncemutooya mukwikalaamo.
Kusenga kwangu akunyumfwike kuli ndimwe, Mumfuune kweelana ambomwakashomesha.
Mwakabona shintu shiinji, sombi tamubikiiko amaano. Matwi alo ncakwiila mulicite, sombi taaku ncemwakanyumfwishishaawo.”
Mwebo mulaambila cisamu ayi, ‘Mwebo ndimwe bata.’ Mulaambila libwe ayi, ‘Mwebo ndimwe bama.’ Mwafutatikabo misana yanu, sombi kuteshi shiwa. Ncakwiila na mwaba mumapensho mulanjita ayi, ‘Kamwisa mutufuneeko.’
