Jelemiya 42:18 - Baibo Busansulushi Bwa Libuku Ili

¹⁸ “Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Bweenka bukali bwangu bwiindaawo mbobwakapoomokela pali baabo bakalinga kwikala kuJelusalemu, mbweeke ubo mbweshi bukapoomokele ndimwe mwaakuya kuIjipiti. Lyalo mulaakuba cintu ceelete kushinganwa, kuloondwa, kushibulukwa akusekwa. Cishi cino teshi mukacibonewo tubili.’ ”

Jelemiya 42:18 교차 참조

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Jelemiya 29:18

Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 44:12

Ndaakunyonyoola bene Juda bakacaalaawo abo bakalinga kushinishite kuya mukwikala kuIjipiti. Boonse balaakulobelaamo. Balaakufwita munkondo nabi kufwa kunsala kutalikilabo kubantu bataaku mbobabete kushikila akubaabo balemekwa. Balaakuba cintu ceelete kushinganwa, kuloondwa, kushibulukwa akusekwa.

Jelemiya 24:9

Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.

Jelemiya 22:27

Teshi mukaboolelewo tubili kucishi ico ncemutoolilila kuboolelaako.”

Isaya 65:15

Bantu bangu mbondakasala balaakunosebensesha liina lyanu pakushingana. Nebo neMwaami Lesa Shinkusu shoonse ndaakubanyonyoola. Sombi basebenshi bangu balo ndaakubapa liina limwi.

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.

Sekaliya 8:13

Nobene Juda abene Isilaeli, kalekale baswamashi bakalinga kushingana womwi awomwi mukwaamba ayi, ‘Aamulokele mapensho eenka akacitikila bene Juda abene Isilaeli!’ Sombi nebo ndaakumupulusha. Lyalo baswamashi abo balaakwaambilana womwi awomwi ayi, ‘Tambula shoolwe isho shakapekwa bene Juda abene Isilaeli!’ Aboobo amuyumye myoyo, mutaloondi.”

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Danyelo 9:11

Bene Isilaeli boonse bakapwaya milawo yanu akukaka kunyumfwila sheesho nshemwakaamba. Twakamubishisha, aboobo mwakatuletela mashingo alembetwe muMilawo yakwe Mose musebenshi wanu.

Esekelo 22:22

Bweenka silifa mboosungululwa mumunyumbi, mbweeke ubo mbweshi mukasungululwe mundabala ya Jelusalemu. Lyalo mulaakwishiba ayi nebo neMwaami Lesa ndime ndatila bukali bwangu pali ndimwe.’ ”

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.

Malilo 2:4

Weeleka buta bwakwe bweenka mbuli mulwani. Ncakwiila lyaansa lyakwe lyalulyo lyalibambila. Wakamana kucaya bantu boonse balinga kutukonda bweenka bucita mulwani. Wakapukula bukali bwakwe anga ngumulilo pandabala inene ya Siyoni.

Jelemiya 29:22

Lyalo bantu boonse abo bakatolwa busha kuBabiloni kuswa kuJuda pakushingana, balaakunokwaamba ayi, ‘Mwaami Lesa aakuciite bweenka mbwaakacita Sedekiya aAabu abo bakatentwa mumulilo kumwaami wa bene Babiloni.’

Jelemiya 26:6

Ono na mutolelele kutanyumfwila, ndaakucita Ŋanda yangu ino bweenka mbondakacita musena wa Shilo. Lyalo liina lya ndabala ino lilaakunoosebenseshekwa mukushingana pakati ka mishobo yoonse ya mucishi ca panshi.’ ”

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 6:11

Sombi nebo ndiswitebo bukali bwanu noBaami baLesa cakwaamba ayi nshikoonshi akuliciba, sobwe.” Lyalo Mwaami Lesa wakaŋambila ayi, “Koya ubupoomwete pabanike bali mumikwakwa apabacikula bwangu babungene pomwi. Musankwa amukaakwe pantu pomwi abacembele bacite myaaka iinji boonse balaakutolwa kubukali ubo.

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

Shakubelenga 5:27

Na wakacita bulale, maanshi alaakumuletela mapensho. Lifumo lyakwe lilaakushimba alimwi abwanakashi bwakwe bulaakunyana. Ono lakwe ulaakushinganwa pakati ka bene mishaabo.

Isaya 30:3

Ono kutabililwa kuli Falawo kulaakumulensha nsoni. Shimfule sha mucishi ca Ijipiti shilaakumuletela musebaanyo.

Jelemiya 23:40

Lyalo ndaakubalensha nsoni akubalengesha kusebaana kwalyoonse alyoonse.”

Jelemiya 33:5

‘Maanda ayo alaakwisula mituntu ya basankwa abo mbweshi nkacaaye mubukali bwangu buyoosha abuumbi paciindi baakunoolwana abene Babiloni. Ndabala inene ino ndaakwiifutatila ceebo ca bubi bwa bantu bekalaamo.

Jelemiya 44:6

Paceebo ceeco ndakatila bukali bwangu bwiindaawo pamandabala a muJuda amumikwakwa ya muJelusalemu akwiinyonyoola cakuba matongo mbuli mboibete bulya.

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.

Esekelo 20:34

Ndaakumuboosha kuswa kumishobo imwi alimwi amushishi umo momwakapalanganina alyaansa lyangu lyankusu, lyaansa litambitwe alimwi abukali buyoosha.

Malilo 2:6

Wakamwaya Ŋanda yakwe ayi ibe anga ngumuunda, ee, kunyonyoola Ŋanda umo motwakalinga kumulambilila. Mwaami Lesa walengesha Siyoni kuluba nshiku shakusekelela ashakookesha sha Cibelu. Mwaami amupailishi boonse bakanyumfwa nkusu sha bukali bwakwe.

Osiya 7:16

Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”