Jelemiya 42:10 - Baibo Busansulushi Bwa Libuku Ili

¹⁰ ‘Na mukekaale mucishi cino, Ndaakumuyaka, teshi nkamumwaaye, ndaakumushanga, teshi nkamutumune, sobwe. Ndoongumana abuumbi ceebo ca mapensho ngondakamuletela.

Jelemiya 42:10 교차 참조

Esekelo 36:36

Lyalo mishobo imushingulukite iyo yeshi ikacaaleewo ilaakwishiba ayi nebo neMwaami Lesa ndime ndayakulula isho shakanyonyoolwa akushanga cipya umo mwakalinga mwaba matongo. Nebo neMwaami Lesa ndaamba alimwi ndaakushicita.’ ”

Jelemiya 31:28

Bweenka mbuli mbondakabikako maano kubatumuna, kubapwayoola, kubakoma, kubanyonyoola akubapumununa, mbweeke ubo mbweshi nkabikeko maano kubashanga akubayaka alimwi.

Jelemiya 24:6

Ndaakubalama kwaamba ayi shintu shibeendele kabotu akubaboosha kucishi cino. Ndaakubayaka, teshi nkabamwaaye, ndaakubashanga, teshi nkabatumune, sobwe.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Amosi 7:6

Paceebo ceeco Mwaami Lesa wakabooshamo moyo waamba ayi, “Anu acalo ici teshi cicitike.”

Jelemiya 33:7

Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Jona 3:10

Ono Lesa ndyaakabona ayi basanduka kunshila shabo shabubi, wakabanyumfwila nkumbu. Aboobo taakwe kubanyonyoola kweelana ambwaakalinga aamba.

Amosi 7:3

Kuswawaawo Mwaami Lesa wakabooshamo moyo akwaamba ayi, “Isho nshewabona teshi shikacitike.”

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Kulonga 32:14

Aboobo Mwaami Lesa wakapilula miyeeyo yakwe, mpeeke wakacileka kuleta makatasho pabantu bakwe ayo ngaakalinga aamba.

Milimo ya Batumwi 15:16

‘Shaakwiinda ishi ndaakwisa alimwi, akuyaka ŋanda yakwe Defedi yakawa. Isho shakamwayuluka ndaakushiyaka alimwi.

Jelemiya 26:19

“Sa Esekiya mwaami wa bene Juda nabi umwi uli woonse wa muJuda wakamucaya? Sa Esekiya taakwe kuloonda Mwaami Lesa akusenga ayi abamunyumfwile nkumbu? Sa Mwaami Lesa taakwe kusandula miyeeyo yakwe akutabaletela mapensho ayo ngaakaamba kubapa? Bulya tutooliletelabo mapensho ayoosha.”

Kulumbaisha 106:45

Mukubacafwa wakeebaluka cipangano cakwe, alimwi ceebo ca lusuno lwakwe lutamaani wakabooshaamo moyo.

Kulumbaisha 102:16

Mwaami Lesa aakuyakulula Siyoni, ulaakuyubulula bulemu bwakwe.

Kulumbaisha 69:35

Lesa ulaakupulusha Siyoni, akuyakulula mandabala a muJuda. Cishi ico cilaakuba ca bantu bakwe ceebo mbweshi bakekaaleemo.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

2 Samwelo 24:16

Mpeeke munjelo wakalinga kunyonyoola bantu ndyaakanyamuna lyaansa ayi anyonyoole Jelusalemu, Mwaami Lesa wakayeeya bumbi akukasha munjelo uyo ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Boomboloshi 2:18

Anu ciindi coonse Mwaami Lesa ncaakalinga kubapa moomboloshi, Mwaami Lesa wakalinga kumucafwa akufuna bene Isilaeli kubalwani babo ciindi coonse ca buumi bwa moomboloshi uyo. Mwaami Lesa wakalinga kubanyumfwila nkumbu ceebo bakalinga kutongela mumaansa a baabo bakalinga kubapensha akubalyatilila.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Jelemiya 27:11

Sombi na mushobo umwi wasumina bweendeleshi bwa mwaami wa bene Babiloni akumusebensela, walo ndaakuuleka ayi kooshiite mucishi ca nguwo akunoolima mumo. Nebo neMwaami Lesa ndaamba.”

Jelemiya 43:4

Aboobo Joanani mwanaakwe Kaleya, bamatanjilili ba bashilumamba abantu bamwi boonse tabakwe kunyumfwila Mwaami Lesa ayi bekalebo muJuda.

Jona 3:4

Mpomunyaawo wakanyamuka akweenda mundabala inene iyo, kuswa macuunsa kushikila amacolesha pabushiku butaanshi. Lyalo wakatalika kushimikila ayi, “Na peende nshiku shili makumi one, ndabala inene ya Ninife ilaakunyonyweetwabo limwi.”