26 Mpeeke ndakalanga akubona ayi cishi cakalinga ca bulongo bubotu caba luyanga. Mandabala a mumo oonse akamana kunyonyoolwa ceebo ca bukali bwa Mwaami Lesa buyoosha.
Cishi ca mboleshi cakaba cikula ceebo ca shibiibi sha bantu bakalingaamo.
Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.
Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”
Mwebo nobaLesa mulayoosha abuumbi. Anu ngani weenga weemikana na mwebo mwakalala?
Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.
Balaakushanga witi, sombi balaakutebula myuumfwa. Balaakuyuwaana, sombi taaku anceshi bakacaneemo. Ono ceebo ca bukali bwangu buyoosha nebo neMwaami Lesa, shishango shabo shilaakufwa.”
Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.
Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”
Cishi cino coonse cilaakuba matongo. Lyalo mishobo iyi ilaakunoosebensela mwaami wa bene Babiloni kwamyaaka makumi osanwe amakumi obilo.
Mwaami Lesa wakakaka cipaililo cakwe akushiya musena wakwe usalalite. Waaba lubumbu lwa maanda a bwaami kubalwani, abalo bakacita ciyobeyobe cakukoma muŊanda ya Mwaami Lesa anga mpabushiku bwakusekelela busalitwe.
Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.
