Jelemiya 4:24 - Baibo Busansulushi Bwa Libuku Ili

²⁴ Ndakalanga kutulundu akubona ayi tutootenkana. Ncakwiila tulundu toonse twakalinga kushanashana.

Jelemiya 4:24 교차 참조

Esekelo 38:20

Inswi shoonse, bayuni boonse, banyama ba muluundu, tulongolo toonse alimwi abantu boonse bekala mucishi ca panshi shilaakututuma kunembo lyangu. Tulundu tulaakuwa, shicengo sha myaandami shilaakupwayooka alimwi lubumbu lomwi alomwi lulaakuwa.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Mika 1:4

Tulundu tutoosunguluka bweenka bucita bukato kumulilo. Tutoopuumukila mushinyika anga ngamaanshi atookunka kuswa pakalundu.

Kulumbaisha 97:4

Kubeka kwa mfula kulamunikila cishi ca panshi, abalo bamucishi ca panshi balakubona akututuma.

Kulumbaisha 18:7

Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

1 Baami 19:11

Mwaami Lesa wakamwaambila ayi, “Swa uye wiimikane kunembo lyangu peculu lya kalundu.” Lyalo Mwaami Lesa wakaya, weenda pafwaafwi anguwe akutuma muuwo ukali abuumbi uyo wakabaanya kalundu pakati akupasoola mabwe. Sombi Mwaami Lesa taakalinga mumuuwo. Muuwo wakacileka, mpeeke kwakaba citentanshi, sombi Mwaami Lesa taakalinga mucitentanshi.

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Abakuku 3:6

Cishi coonse catenkaana ndyaakeemikana. Lyalo ndyaakalangilisha, mishobo ya bantu yakatutuma. Tulundu tukulukulu twakasekemuka. Atwalo tulundu tuniini tukulukulu twakawa ndyaakeenda munshila shakwe shikulukulu.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Kulumbaisha 77:18

Cilulumo canu cakanyumfwika mukapupuulwa, akubeka kwa mfula kwakatubya cishi coonse. Cishi cakatutuma akutenkaana kucitentanshi.

Ciyubululo 6:14

Alyalo liculu lyakashiminganabo anga nimpasa itoofungeelwa. Mpeeke tulundu alimwi ansuumbu shoonse shakakushikwa mumisena ya nshisho.

Kulonga 19:18

Kalundu ka Sinayi koonse kakalinga kuswitebo bwiishi mukwiinga Mwaami Lesa wakaselukila pali nkako mumulilo. Bwiishi bwakalinga kuya mwiculu anga mbwiishi bwa mumunyumbi alimwi kalundu koonse kakatenkaana abuumbi.

Jelemiya 9:10

Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.

Isaya 13:13

Ndaakulengesha liculu kututuma acalo cishi ca panshi cilaakutenkaanishikwaawo pamusena wa ncico. Pabushiku ubo nebo neMwaami Lesa Shinkusu shoonse ndaakuyubulula bukali bwangu buyoosha.

Isaya 24:20

Cishi citootalantanta anga ngucakolwa, citootenkaana anga nkaanda kucipuupu cinene. Ncakwiila calemenwa shibiibi sha bantu ba muli ncico. Cilaakuwa cakutabukaawo tubili.