10 Mpomunyaawo nebo ndaamba ayi, “Nobaami baLesa beShinkusu shoonse, anu bene Jelusalemu mwakabacenjeekabo mukubaambila ayi, ‘Mulaakuba muluumuno,’ nakubi boobo mupeeni uli panshingo shesu.”
Bantu ba Mwaami Lesa bakaamba shabubeshi pali nguwe ayi, “Taaku nceshi akacitewo! Teshi tukapolelwewo mapensho. Ncakwiila ayi teshi tukapolelwewo nkondo nabi nsala, sobwe.
Ndaakutabilila ndabala inene ino akwiipulusha, ceebo ca bulemu bwangu acakwe Defedi musebenshi wangu.’ ”
Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.
Nceceeco Lesa ncaakabalekela kucita shintu shilensha nsoni shisuni myoyo yabo. Abalo banakashi bakashiya mulimo wa bwanakashi akukonkela mulimo ulensha nsoni.
Paceebo ceeci Lesa wakabaleka kwaamba ayi bacite shintu shibiibi isho shisuni myoyo yabo, aboobo balacita shintu shilensha nsoni beene abeene kumibili yabo.
Ono nebo kaancilaluka, Pelatiya mwanaakwe Benaya wakawa akufwa. Lyalo ndakaliwaala panshi akushisha ciwa panshi alimwi akoolobesha ayi, “Sobwe nobaami baLesa Beshinkusu shoonse! Sa mutooyanda kucaya boonse bakacaalaawo pabene Isilaeli?”
Banike abacembele boonse balikungubetebo mumikwakwa. Bacikula bwangu abamyooye bamana kucaikwa kumupeeni. Ndushinisho mwakabacaya mubushiku bwanu bwa bukali. Mwakabacaya cakutabafwitawo nkumbu.
“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.
Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’
Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.
“Bwikaalo bwanu amicito yanu nsheshamuletela mapensho aya. Mulandu uyu ngwakuliletela nobeene. Mapensho ngomwaliletela alalula abuumbi, ee, cakuyasabo akumyoyo yanu.”
Lyalo ndakakumbula ayi, “NoBaami baLesa, noBeshinkusu shoonse, nebo nshicishiiwo kwaamba alimwi ncili mwanike.”
Anu nceebonshi noBaami baLesa ncemutulengeshesha kuswa munshila shanu? Ceebonshi mulatuyumya myoyo cakwaamba ayi tunoobula kumulemeka? Amupiluke kuli ndiswe ceebo ca baabo bamusebensela ee, ceebo ca baabo bali mumaansaanu lyoonse.
Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.
Ono na ukake, ntootuma myaalu yangu yoonse iindaawo pali ndiwe, bacinenenene bako alimwi abantu bamucishi cako. Ntoocita boobo kwaamba ayi wishibe ayi taaku aumwi uli mbuli ndime mucishi ca panshi coonse.
Lyalo Mose wakapilukila kuli Lesa akwaamba ayi, “Nkambo, ino mutoopensheshanshi bantu banu? Mwakantuminanshi kokuno?
