Jelemiya 38:16 - Baibo Busansulushi Bwa Libuku Ili

¹⁶ Paceebo ceeco Sedekiya wakanshomesha cakulumbila mubushishi ayi, “Bweenka mbocibete lushinisho ayi Mwaami Lesa ngumuumi uyo wakatupa buumi ubo mbotucite, mbweeke ubo teshi nkakucayeewo nabi kukwaaba mumaansa a baabo batoofwima buumi bwako.”

Jelemiya 38:16 교차 참조

Jelemiya 37:17

Mpeeke mwaami Sedekiya wakatuma bantu kwisa mukumbwesa ayi bantole kuŋanda yakwe ya bwaami. Lyalo mwaami wakanjipusha kweela ayi, “Sa kuliwo maswi aswa kuMwaami Lesa?” Nebo ndakamukumbula ayi, “Ee, nkwaali. Mwebo mulaakwaabwa mumaansa a mwaami wa bene Babiloni.”

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Isaya 57:16

Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.

Jelemiya 34:20

Ono bantu abo boonse ndaakubaaba kubalwani baabo abo bafwima buumi bwabo. Mituntu yabo ilaakuba shakulya sha bayuni alimwi abanyama ba muluundu.

Shakubelenga 27:16

“NoBaami baLesa, nomatalikilo a buumi boonse, ndaseenga ayi musale musankwa uyo weenga watanjilila bantu aba

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Bene Ebulu 12:9

Bamaishiwesu bapacishi ca panshi bakalinga kutubuula, aboobo twakalinga kubalemeka. Anu tulyeelete kwiindaawo kulemeka Lesa Ishiwesu uli kwiculu kwaamba ayi tube abuumi!

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Milimo ya Batumwi 17:25

Ncakwiila bantu taaku nceenga bamusebensela amaansaabo mukwiinga taaku ncaataciteewo. Lesa ngomunya uyu ngootupa buumi amuuya ngotuyoya alimwi ashintu shimwi shoonse.

Milimo ya Batumwi 17:28

Kweelana abwakaamba umwi muntu ayi, ‘Kwiinda muli nguwe tulicite buumi, tuleenda alimwi akuba mbuli mbotubete.’ Bweenka mbuli bwakalemba basongo bamwi bene mishaanu ayi, ‘Aswebo tuli bana bakwe.’