Jelemiya 34:11 - Baibo Busansulushi Bwa Libuku Ili

¹¹ Sombi pesule bakasandula miyeeyo yabo, babacata akubakakatisha kuba basha alimwi.

Jelemiya 34:11 교차 참조

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Tushimpi 26:11

Bweenka kabwa mbwaaboolela mukulya shakulya nshaaluka, mbweeke ubo muluya mbwaabooshaawo kucita shabuluya.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Osiya 7:16

Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”

Osiya 6:4

Sombi Mwaami Lesa waamba ayi, “Nobene Isilaeli anobene Juda anu mwebo inga ndamucitawo buyani? Lusuno lwanu lulibo anga ngushikunku wa macuunsa, ee, anga ngumume uyo ukupuka na lumwi lwabala.

Jelemiya 37:5

Bashilumamba ba bene Babiloni bakalinga baya mukushinguluka Jelusalemu, sombi ndibakanyumfwa ayi bashilumamba bene Ijipiti basubuka manyinsa a cishi ca Ijipiti, bakaloonda akuboolaamo kuswa kuJelusalemu.

Jelemiya 34:21

“Lyalo ndakwaaba Sedekiya mwaami wa bene Juda abacinenenene bakwe mumaansa a balwani babo abo bafwima buumi bwabo. Ndaakubaaba kubashilumamba bene Babiloni abo bakacileka kumulwana.

Kulumbaisha 125:5

Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.

Kulumbaisha 36:3

Myaambo yabo yoonse njabubi alimwi njabubeshi. Kucita shintu shibotu, sha busongo, ncintu ncebakacilekabo kalekale.

1 Samwelo 26:21

Mpomunyaawo Saulo wakaamba ayi, “Ndabiisha. Boola Defedi omwanaangu. Teshi nkakuyeeyelewo kukucisa alimwi, mukwiinga walinga kweelete kuncaya mashiku ainda, sombi wandekelela. Ncakwiila ndacita mbuli muntu muluya alimwi ndalubya abuumbi.”

1 Samwelo 24:19

Sa na muntu wacana mulwani wakwe inga wamulekabo kutamucisaawo? Mwaami Lesa aakupe coolwe ceebo ca ceeco ncewancitila sunu.

Kulonga 9:28

Amupaile kuMwaami Lesa! Twapeenga abuumbi kukukalooka kwa mfuula ya mabwe iyi. Ntoomulwitilisha ayi ntoomuleka munooya, tamweelete kunoocishiite.”

Kulonga 8:15

Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 8:8

Mpeeke mwaami Falawo wakeeta Mose aAloni akubaambila ayi, “Amupaile kuMwaami Lesa kwaamba ayi akushe babombwe aba, anebo ndyeshi nsuminishe bantu banu ayi baye bakabenge milambu kuMwaami Lesa.”

Jelemiya 34:10

Bamatanjilili boonse alimwi abantubo bakasumina kwaangulula basha babo akutabacatawo busha tubili. Lyalo bakasuminishanya akubaangulula.

Jelemiya 34:12

Mpomunyaawo Mwaami Lesa,

Jelemiya 34:16

Sombi bulya mwasandula miyeeyo yanu akucobola liina lyangu. Noonse mwakaboosha basha abo mbomwakaangulula kweelana ambobakalinga kulila. Ncakwiila mwakabakakatisha kuba basha alimwi.”