Jelemiya 33:18 - Baibo Busansulushi Bwa Libuku Ili

¹⁸ Kulaakunooba abapailishi bene Lefi beshi banoonsebensela lyoonsebo mukunoobenga milambu yakutenta, shipo sha fulaulo amilambu imwi.”

Jelemiya 33:18 교차 참조

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Ciyubululo 1:6

Lakwe wakatulengesha kuba bamaami ayi tusebensele Lesa Ishi anga mbapailishi. Jesu Klistu apekwe bulemu alimwi ankusu lyoonse alyoonse. Ameni.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Esekelo 45:5

Musa umwi wa cipansha cisalalite ico ngwa bene Lefi basebensa muŊanda yangu. Kumusena uyo nkweshi kukabe ndabala yabo mweshi bakanookala.

Isaya 61:6

Mulaakunokwiitwa ayi bapailishi ba Mwaami Lesa, ncakwiila basebenshi bakwe Lesa wesu. Buboni bwa mishobo imwi ndimwe mweshi mukanoobulya alimwi mulaakunoosangalala kwaamba ayi buboni ubo mbwanu.

Dutolonomi 18:1

“Mukowa wa bupailishi wa bene Lefi tooelete kupekwa cipansha nabi comwi mucishi ca Isilaeli. Balo balaakunoolyabo milambu ibengwa kuMwaami Lesa alimwi ashipo.

Ciyubululo 5:10

Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”

Shakubelenga 3:5

Mpomunyaawo Mwaami Lesa wakaambila Mose ayi,

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

Joshuwa 3:3

kabaambila bantu ayi, “Na mubone bapailishi bene Lefi kabayumwite Libokoshi lya Cipangano lya Mwaami Lesa, Lesa wanu, amwebo munyamuke akubakonkela.

Esila 3:5

Kuswawaawo bakatalika kubenga milambu yakutenta ya lyoonse, milambu ya mweenshi upya, aya pakusekelela kusalitwe koonse kwakulambila Mwaami Lesa, pantu pomwi amilambu yakulyaaba yoonse ipekwa kuli nguwe.

Jelemiya 33:19

Mwaami Lesa wakandwiita ayi,

Jelemiya 33:22

Ndaakufusha bamulunyungu lwa musebenshi wangu Defedi abapailishi ba mumukowa wakwe Lefi cakwaamba ayi balaakunokwaala akubelengekwa bweenka mbocaala kubelenga nyenyeenshi mwiculu nabi museese wa muloombe lwa lweenge.”

Esekelo 44:15

Mwaami Lesa Shinkusu shoonse wakaamba ayi, “Bapailishi bene Lefi bamulunyungu lwakwe Sadoki balo bakatolelela kunsebensela cakushomeka muŊanda yangu, bene Isilaeli ndibakamfutatila. Paceebo ceeco balo mbweshi banoosena pafwaafwi anebo ayi bansebensele. Bapailishi abo mbweshi banoosa kunembo lyangu akubenga milambu ya mafuta alimwi abulowa kuli ndime.

Jelemiya 35:19

Paceebo ceeco nebo neMwaami Lesa, Lesa wa bene Isilaeli, ntooshomesha kwaamba ayi Jonadabu mwanaakwe Lekabu ulaakunoocite musankwa wamulunyungu lwakwe shikunsebensela lyoonsebo.”