Jelemiya 32:8 - Baibo Busansulushi Bwa Libuku Ili

⁸ Ono bweenka bwakaamba Mwaami Lesa, Anamelo wakesa mukumbona kulubansa lwa ŋanda ya bwaami akunsenga ayi ngule muunda wakwe. Paceebo ceeco ndakeshiba ayi maswi alya ncakwiila akaswa kuMwaami Lesa.

Jelemiya 32:8 교차 참조

Jelemiya 32:7

“Anamelo, mwanaabo bashimishaanu baShalumu, ulaakwisa mukukubona akwaamba ayi, ‘Ula muunda wangu uli kuAnatoti mucishi ca Benjameni ceebo ndiwe shikamukowa wangu uli pafwaafwi nooelete kuwuula kweelana amulawo wesu.’ ”

Jelemiya 32:2

Paciindi ico bashilumamba ba mwaami wa bene Babiloni bakalinga kulwana ndabala ya Jelusalemu. Ciindi ico nebo ndakalinga kwaangitwe kulubansa lwa kuŋanda ya bwaami ya kuJuda.

Jelemiya 33:1

Kaancili muntolongo kulubansa ulo, maswi a Mwaami Lesa akesa kuli ndime alimwi.

1 Baami 22:25

Mikaya wakakumbula ayi, “Ulaakwishiba na ukaye mukuyuba mucipinda ca mukati kaŋanda.”

Joni 4:53

Lyalo ishi mwaana uyo wakeebaluka ayi nceciindi ceenka Jesu ncaakamwaambila ayi, “Mwanaako waba kabotu.” Mpeeke lakwe, abamuŋanda yakwe boonse bakashoma muli Jesu.

Sekaliya 11:11

Aboobo pabushiku ubo cipangano cakamanishikwa. Lyalo abo bakalinga kuula mbelele akushuulisha abo bakalinga kunjebela, bakeshiba ayi Mwaami Lesa utokwaambila musheesho nshendakacita.

1 Makani 6:60

Kuswa kucishi cakwe Benjameni bakapekwa ndabala ya Gibyoni, Geba, Alemeti alimwi aAnatoti pantu pomwi amafulo akalinga kushingulukite. Mandabala ngobakabaanya shipani sha bene Koati akalinga likumi aotatwe pantu pomwi.

1 Baami 2:26

Mwaami Solomoni wakaambila Abiyata mupailishi ayi, “Koya kumushi wine mishaanu kuAnatoti. Walinga kweelete kufwa, sombi teshi nkucaaye bulya mukwiinga Libokoshi lya Cipangano lya Mwaami Lesa Shinkusu shoonse lyakalinga mumaansaako ndiwakalinga abata baDefedi, alimwi wakapenga pantu pomwi ambabo mumapensho abo oonse.”

Jelemiya 1:1

Aya ngamaswi akaamba Jelemiya mwanaakwe Ilikiya mupailishi wa kuAnatoti mucishi ca Benjameni.

Jelemiya 32:25

Nakubi boobo noBaami baLesa ndimwe mwakantuma ayi ngule muunda amaali a silifa pameenso abakamboni nakubi kwaamba ayi ndabala inene iyi itooyanda kunyonyoolwa kubene Babiloni.”

Jelemiya 37:12

Lyalo nebo neJelemiya ndakatalika kuswa mundabala inene akuya kucishi cakwe Benjameni mukubwesa cipansha ca buboni bwangu pakati ka bantu bekalaako.

Esekelo 12:7

Aboobo ndakacita kweelana ambondakaambilwa. Malumwi, ndakalongela shintu shangu anga ngumuntu utooya mubusha. Ono macolesha ndakatulula lubumbu amaansaangu. Mpeeke ndakaswita mpapo pantu pomwi ashintu shangu akushinyamwita pacifushi ciindi camumuntu ngulya boonse kabambwene.