Jelemiya 30:5 - Baibo Busansulushi Bwa Libuku Ili

⁵ “Kulila kwa boowa kutoonyumfwika. Ncakwiila nkulila kwa kuloondesha kuteshi kwa luumuno, sobwe.

Jelemiya 30:5 교차 참조

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Isaya 5:30

Bushiku ubo bwaakushikila balaakubulumina Isilaeli anga nkuwoota kwa maaba palweenge. Uyo weshi akalange mucishi ici, ulaakubonabo munshinshe alimwi abuumba. Mumuni woonse awalo ulaakubabo munshinshe ceebo ca makumbi.

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Jelemiya 25:36

Amunyumfwe kulila kwa beembeshi, amunyumfwe mibila ya bamatanjilili ba litanga mukwiinga Mwaami Lesa wanyonyoola mafulo abo.

Jelemiya 9:19

Kwanyumfwika mibila muSiyoni ayi, “Twanyonyoolwa! Tulicite nsoni abuumbi. Tulyeelete kushiya cishi cesu ceebo maanda esu akanyonyoolwa.”

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Isaya 59:11

Ono soonse tutoobulumabo anga ngamabeya. Tutoolila cilensha nkumbu anga nimpolobe. Tulalangoola koombolosha kululeme, sombi tatukubooni. Tulalangila kupulushikwa kuswa mubusha, sombi kuli kulaale aswebo.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.

Jelemiya 30:4

Mwaami Lesa wakaambila bene Isilaeli abene Juda ayi,

Jelemiya 6:22

Mwaami Lesa waamba ayi, “Amubone likoto lya bashilumamba litooswa kucishi cakumatwa, ee, mushobo uyumu abuumbi wa kweela cishi ca panshi utoosonkomonwa.

Jelemiya 6:26

Mwaami Lesa waamba ayi, “Mwebo nobantu bangu, amufwale masaka mwaalabangane mumilota. Amulile cakooloma anga ngumuntu utoolila mwanaakwe musankwa womwibo ndondoli ceebo shikunyonyoola utoopola cakufwambaana.

Abakuku 1:6

Ntoonyamuna bene Babiloni, ee, bantu balya bakali alimwi batacite nkumbu. Mbantu abo bamana cishi coonse kweenda kwaamba ayi bakome misena iteshi yabo.

Abakuku 1:10

Balanyansha bamaami akuseka bacinenenene babo. Taaku ndabala icite lilinga ndyeenga baalilwa kwiinda. Balayakabo shitunta shakutantaawo pakulwana sha bulongo akukoma ndabala iyo icite lilinga.