23 Ncakwiila kulambila kwa bakunsengwe patulundu takucite lucafwo. Ndushinisho kupulushikwa kwa bene Isilaeli kulaswabo kuMwaami Lesa, Lesa wesu.
Ncakwiila kukoma kulaswabo kuMwaami Lesa, ono aape coolwe bantu bakwe.
Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”
Mwebo nobene Samaliya mulalambila ncemuteshi, sombi swebo tulalambila ncetwishi mukwiinga lupulusho lulaswa kubaJuda.
Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”
Ndakabashisha mucishi ico ncendakashomesha cakulumbila ayi ndaakubapa. Ono ndibakabona tulundu tulaamfu ashisamu shicite matewu aanji, bakatalika kubenga milambu, kupa shipo isho shakasonkomona bukali bwangu, kupa tununkila kabotu akutila shipo sha cakunwa patulundu toonse ashisamu shoonse.’
Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.
Mwebo Nokulangila kwa bene Isilaeli, noBapulushi babo muciindi ca mapensho, ceebonshi mwaba anga ngumweensu mucishi cino, ncakwiila anga ngushikweenda uyo woonabo bushiku bomwi?
Muciindi ca bulelo bwakwe Josiya, Mwaami Lesa wakandwiita ayi, “Sa wamubona Isilaeli mwanakashi mufuule utashomeki nshaatoocita. Ulatanta peculu lya tulundu toonse amunshaashisamu shoonse shicite shimfule shibotu akunoocita bufuule.
Ono Mwebo ndimwe beeshiwesu, nakubi kwaamba ayi Abulaamu taatwishi, ee, nabi Isilaeli taakoonshi kutukumbula mwebo noBaami baLesa ndimwe beeshiwesu. Ndimwe Bapulushi besu alimwi ili ndyeliina lyanu kuswabo kale kale.
Anu ngani uyu utooswa kuEdomu ee, utooswa muBosila ashakufwala shisalala? Anu ngani uyu ufwete shakufwala shabulemu utoosa citankaila munkusu shakwe shinene? “Ndime nentokwaamba mubululami ee, nebo neencite nkusu shakupulusha.”
Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.
Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”
Nobene Isilaeli, Lesa wanu uyo umupulusha, ncakwiila nguLesa ulishisa.
Anu boonse bapanga shibumbwabumbwa taaku mbobabete ashalo shintu nshibabikaako maano tashicite mpindu. Bantu abo banyamuka akushimikila pali nshisho balitulookite meenso. Ncakwiila kubula lushibo kwabo kwabasebaanya.
“Nebo, ee, nebo neenka ndime Mwaami Lesa, kwisule lyangu taaku aumwi mupulushi.
Lupulusho lwangu abulemu shilaswa kuli Lesa, Ngomwaandami uyumu nta alimwi nceciyubilo cangu
Muntu ulakonsha kubamba liaki ayi liye kunkondo, sombi nguMwaami Lesa ulengesha kukoma.
Bana banu abalo balayeeyabo shipaililo shanu alimwi ashikoshanyo shakwe Ashela lesa mwanakashi shili kulubasu lwa shisamu shicite shimfule shibotu alimwi apeculu lya tulundu tulaamfu.
Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’
Pabushiku ubo bene Isilaeli beshi bakacaaleewo, nkokwaamba ayi bamulunyungu lwakwe Jakobo beshi bakanoocili boomi, teshi bakanoocicinkite manungo muwooyo wakabakoma. Sombi balaakucinka manungo muMwaami Lesa Usalalite wa bene Isilaeli.
