18 Munshiku isho bene Juda balaakupaankana abene Isilaeli, lyalo boonse balaakuswa kucishi ca busha cakumatwa kwisa kucishi ico ncendakapa bamashali babo bakulukulu ayi ncabo.”
Amubone, ndaakubaleta kuswa kucishi ca kumatwa akubayobolola kuswa kweela cishi ca panshi. Pakati kabo palaakunooli boofu abalema, bali pakati abali pankata. Lilaakunooli likoto linene lyeshi likaboole.
Ndaakushanga bene Isilaeli mucishi ncendakabapa. Ncakwiila taaku weshi akabatumunemo tubili. Nebo neMwaami Lesa, Lesa wanu ndaamba.”
Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.
Mwaami Lesa waamba ayi, “Munshiku isho, bene Isilaeli abene Juda boonse, balaakunyamuka kabaya bulila kuyandoola ndime neMwaami Lesa, Lesa wabo.
Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi ca kumatwa amushishi shimwi shoonse nshaakabatandilaamo.’ Lyalo balaakwikala mucishi cabo beene.”
Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi cakumatwa amushishi shimwi shoonse nshaakabatandilaamo.’ Balaakunoocita boobo ceebo ndaakubapilusha mucishi ico ncendakapa bamashali babo bakulukulu. Nebo neMwaami Lesa ndaamba.”
Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.
“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.
Mwaami Lesa waamba ayi, “Bene Isilaeli banshingulusha bubeshi, ee, banshingulusha kucenjeeka. Bene Juda abalo bacingashukilabo nebo neLesa Usalalite alimwi ushomeka.
Ciindi ico caakushikila, milandu ilaakuyandoolwa kubene Isilaeli, sombi teshi ikacanikeewo. Shibiibi shilaakuyandoolwa kubene Juda, sombi taaku nabi comwi ceshi cikacanikeewo ceebo ndaakulekelela baabo mbweshi nkashiyeewo kutabacaya. Nebo neMwaami Lesa ndaamba.”
‘Nshiku shilaakushikila ndyeshi nkakushe bantu bangu bene Isilaeli abene Juda mubusha akubaboosha mucishi ncendakapa bamashali babo bakulukulu. Nebo neMwaami Lesa ndaamba.’ ”
Na mwacileka shintu ishi, ndaakumuleka ayi munookala mucishi ico ncendakapa bamashali banu bakulukulu ayi cibe cabo kwalyoonse alyoonse.
Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.
“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Ndaakumubunganya kuswa pakati ka mishobo ya mucishi ca panshi coonse iyo njendakamupalanganishishaako. Ndaakuboosha cishi ca Isilaeli mumaansaanu.’
Ono Mwaami Lesa waamba ayi, “Kamwisa! Kamwisa! Amuciceeko kucishi cakumatwa mukwiinga ndakamupalanganishisha kumbasu shone sha cishi.
Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.
Mutabi aboowa, ndi amwebo! Ndaakuleta bamulunyungu lwanu kuswa kushishi sha kwicwe alimwi ndaakuyobolola boonse bali kushishi sha kumbo.
Ndaakwaambila shishi sha kumatwa ayi, ‘Amubaleeke ono!’ Ashalo shishi sha kumalenge ayi, ‘Mutababililishi.’ Bana bangu basankwa ababoole kumishaabo kuswa kushishi sha kulaale. Abalo bana bangu banakashi ababoole kuswa kweela cishi kwiine.
“Nobana bangu, amukalalile banyinawanu, amubakalalile, nakubi kwaamba ayi tabacibete bakaangu alimwi nebo neMwaami Lesa nshicibete ibaabo. Mubakombelele kwaamba ayi bacileeke bufuule bwabo, ee, kucileka kutashomeka kwabo.
