Jelemiya 3:15 - Baibo Busansulushi Bwa Libuku Ili

¹⁵ Lyalo ndaakumupa bamatanjilili bapa moyo wangu abo beshi bakanoomweendelesha cabusongo alimwi amaano akunyumfwisha shintu.

Jelemiya 3:15 교차 참조

Jelemiya 23:4

Kuswawaawo ndaakubikawo beembeshi pakati ka nshisho abo beshi bakanooshilama cakwaamba ayi teshi shikaloondewo tubili nabi kuba aboowa alimwi taaku nabi yomwi yeshi ikasowekeewo. Nebo neMwaami Lesa ndaamba.”

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Tushimpi 10:21

Maswi a muntu ululeme alacafwa bantu baanji, sombi baluya balafwa ceebo cakubula maano.

1 Bene Kolinto 2:6

Sombi tulaamba shabusongo kubaabo bayumu mulushomo. Nakubi boobo teshi busongo bwa buntu nabi bwa beendeleshi ba mucishi ca panshi ubo bumana.

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

1 Samwelo 13:14

Sombi bulya bweendeleshi bwako teshi butolelele. Ono mukwiinga tookwe kumunyumfwila, Mwaami Lesa walangoola kale musankwa ucite mibo njaasuni kwaamba ayi abe mwaami wa bantu bakwe.”

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Esekelo 34:2

“Webo omuntu, Laluka mapensho pabeembeshi ba bene Isilaeli akubalwiita ayi nebo neMwaami Lesa Shinkusu shoonse ndaamba ayi, ‘Mapensho kubeembeshi ba bene Isilaeli abo balilama beene beenka! Sa beembeshi tabeelete kulama litanga?