Jelemiya 27:22 - Baibo Busansulushi Bwa Libuku Ili

²² Shintu isho shilaakutolwa kuBabiloni uko nkweshi bakanoobete kushikila bushiku mbweshi nkashiyeeye. Lyalo ndaakushileta akushiboosha mumusena uno. Nebo neMwaami Lesa ndaamba.”

Jelemiya 27:22 교차 참조

Jelemiya 29:10

“Mwaami Lesa utookwaamba ayi, ‘Myaaka makumi osanwe aobilo yaakukumana, mwebo kamuli kuBabiloni, ndaakwisa kuli ndimwe akucita kweelana ambondakamushomesha kwaamba ayi ndaakumuboosha kumusena uno.

Jelemiya 32:5

Sedekiya ulaakutolwa kubabiloni uko nkweshi akanooshiite kushikila nkamoomboloshe. Nabi akalwane abene Babiloni, teshi akabakomeewo, sobwe. Nebo neMwaami Lesa ndaamba.’ ”

Esila 7:19

Ulyeelete kutola kuli Lesa wa kuJelusalemu shisebensesho shoonse isho nshemwakapekwa kwaamba ayi shikasebense kumulimo wa muŊanda yakwe Lesa.

Esila 1:11

Shintu isho sha golodi alimwi asha silifa pantu pomwi shakalinga 5,400. Sheshibasa wakatolelela shintu isho shoonse ciindi abo bakalinga mucishi ca busha ndibakaswa muBabiloni akuya kuJelusalemu.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Danyelo 9:2

Mumwaaka wakutaanguna wa bwaami bwakwe, nebo neDanyelo ndakalinga kubelenga Malembo akwe Lesa akuyeeya shamyaaka ili 70 iyo ndabala ya Jelusalemu njeshi ikanooli matongo, kweelana aMwaami Lesa mbwaakalwiita Jelemiya mulaluki.

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.

Jelemiya 34:5

Sombi webo ulaakufwabo muluumuno. Bweenka bantu mbobakalinga kunootenta tununkila kabotu pakufukila bamashali banu bakulukulu abo bakalinga bamaami webo kootana kulela, mbweeke ubo mbweshi bakakutentele awebo. Balaakulila pali ndiwe akwaamba ayi, ‘Maawe, mwaami wesu wafwa!’ Nebo neMwaami Lesa ndaamba.”

Esila 7:9

Wakanyamuka kuswa kuBabiloni pabushiku butaanshi bwa mweenshi wakutaanguna, akushika kuJelusalemu pabushiku butaanshi bwa mweenshi wasanu, mukwiinga Lesa wakwe wakalinga kumucafwa.

2 Makani 36:21

Lyalo ico ncaakaamba Mwaami Lesa kwiinda mumulaluki Jelemiya cakacitika cancinencine. Jelemiya wakaamba ayi, “Cishi cilaakucaala mumatongo kwamyaaka makumi osanwe aobilo kwaamba ayi myaaka yasanu ayobilo yakookesha iyo njebatakwe kookesha ikwanine.”

2 Baami 25:13

Mpomunyaawo bene Babiloni bakapwayoola macinko a bulonse, shikoci shakalinga mukati muŊanda yakwe Lesa pantu pomwi acingomo ca bulonse akutola bulonse woonse kuBabiloni.

Jelemiya 20:5

Lyalo buboni boonse bwa mundabala iyi ndaakubwaaba kubalwani babo. Nkokwaamba ayi shoonse shiliimo kubikaawo ashintu sha makwebo shoonse abuboni boonse bwa bamaami ba bene Juda. Balaakushisaala akushitola kuBabiloni.

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Jelemiya 27:21

Ono amukutike nsheentokwaamba nebo neMwaami Lesa Shinkusu shoonse, Lesa wa bene Isilaeli pashintu isho shakacaala muŊanda ya Mwaami Lesa, muŋanda ya mwaami wa bene Juda amuJelusalemu.

Jelemiya 34:2

Mwaami Lesa, Lesa wa bene Isilaeli wakandwiita ayi nje nkalwiite Sedekiya mwaami wa bene Juda ayi, “Nebo, neMwaami Lesa, ndaakwaaba ndabala inene iyi kumwaami wa kuBabiloni uyo weshi akeeteente.

Jelemiya 34:3

Teshi ukalobokeemo, sobwe. Sombi ulaakucatwa akwaabwa mumaansaakwe alimwi ulaakulanganaakwe akubandikaakwe mulomo amulomo. Pesule ndyeshi ukaye kuBabiloni.